İdman

"Ümid edirəm ki, turu biz keçəcəyik" - Ayxan Abbasov

22 İyul 2021 08:43
0 Şərh     Baxış: 723

"Sumqayıt"ın baş məşqçisi Ayxan Abbasov Konfrans Liqasının 2-ci təsnifat mərhələsinin "Çukariçki" (Serbiya) ilə ilk oyunundan sonra keçirilən mətbuat konfransında fikirlərini bölüşüb.

Milli.Az qol.az-a istinadən xəbər verir ki, çalışdırıcı qolsuz başa çatan matç haqda deyib:

"Bugünkü oyun bizim Avropa səhnəsində ikinci qarşılaşmamız idi. Maraqlı mübarizəyə şahidlik etdik. Oyunun əvvəlində uşaqların həyəcanlı olduğu hiss olunurdu. Bu da səbəbsiz deyil. Çünki, heyətimiz gənc futbolçulardan qurulub. Lakin matçın gedişində həyəcanımızı boğa bildik. Rəqibimiz meydan amilinə görə nisbətən bizdən üstün oyun sərgiləməyi bacardı".
 
A.Abbasov cavab matçı haqqında nikbin danışıb: "Bir həftə sonra doğma meydanımızda azarkeşlərimizin qarşısında oynayacağıq. Onlar da bizim üçün darıxıblar. Ümidvaram ki, azarkeşlərimiz önündə sərfəli nəticə əldə edərək, turu keçən tərəf biz olacağıq".

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.