İdman

"Çelsi" ilə oyunun nəticəsini ədalətsiz hesab edir

8 Aprel 2021 12:19
Baxış: 620

"Portu" nun baş məşqçisi Serjiu Konseysau Çempionlar Liqasının 1/4 finalında "Çelsi"yə 0:2 hesabı ilə uduzduqları oyunu şərh edib.

Milli.Az qol.az-a istinadən xəbər verir ki, o, nəticənin ədalətsiz olduğunu deyib:

"Amma futbol qol deməkdir. "Çelsi" qol vurdu və biz fərqlənə bilmədik. Komanda çox yaxşı oyun göstərdi, müdafiədə etibarlı oynadı və təhlükəli hücuma keçdi. Bir neçə qol epizodları yaratdıq, amma həyata keçirə bilmədik. İndiyə qədər yalnız ilk matç oynanıldı, ən yaxşısına inanacağıq. Futbolçular əla futbol nümayiş etdirdilər. Rəqibin güclü tərəflərini bilirik. Onların çoxsaylı keyfiyyətli oyunçuları var, amma biz "Çelsi"dən yaxşı idik. Lakin mənəvi qələbə nəzərə alınmır, nəticə vacibdir".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.