İdman

Torres "Atletiko"dan getdi

15 Fevral 2021 13:46
Baxış: 674
VTB-də minimal faiz dərəcəsi ilə nağd kredit 10.49%-dən

İspaniya millisinin sabiq hücumçusu Fernando Torres "Atletiko"nun ikinci komandasında məşqçi vəzifəsindən ayrılıb.

Milli.Az qol.az-a istinadən xəbər verir ki, bu barədə "AS" nəşri məlumat yayıb. Torres 2021-ci ilin yanvar ayının ortalarında Madrid təmsilçisində məşqçiliyə başlayıb. Baş məşqçinin köməkçisi vəzifəsində çalışıb. Ancaq bu həftə Fernando vəzifəsini tərk etmək məcburiyyətində qalıb. 36 yaşlı sabiq futbolçu bildirib ki, gedişinin səbəbi tamamilə şəxsidir, bunun klub rəhbərliyi ilə münasibətləri ilə heç bir əlaqəsi yoxdur.

Eyni zamanda, mart ayında Torresin məşqçiliyi bərpa etməsi mümkündür.

Qeyd edək ki, Fernando futbolçu karyerası ərzində "Atletiko", "Liverpul", "Çelsi", "Milan" və Yaponiyanın "Saqan Tosu" komandalarında oynayıb. O, 2019-cu ilin iyun ayında futbolçu karyerasını başa vurduğunu açıqlayıb.

Milli.Az

 
Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.