İdman

"Makkabi"dən xal almağa çalışacağıq" - Qara Qarayev

2 Dekabr 2020 20:55
Baxış: 969
VTB-də minimal faiz dərəcəsi ilə nağd kredit 9.9%-dən

"Güclü komandaya qarşı oynayacağıq. "Makkabi" yaxşı müdafiə olunmaqla yanaşı, qol vurmağı da bacarır. Çox diqqətli olmalıyıq".

Milli.Az Qol.az-a istinadən xəbər verir ki, bu sözləri "Qarabağ"ın futbolçusu Qara Qarayev Avropa Liqasının qrup mərhələsinin 5-ci turunda "Makkabi" (Təl-Əviv) ilə sabah keçiriləcək oyun üçün təşkil edilən mətbuat konfransında deyib

Komandanın vitse-kapitanı itkilərinin çox olduğunu xatırladıb: "Son zamanlarda heyətlə bağlı problemlərimiz var. Ancaq azarkeşləri sevindirmək üçün əlimizdən gələni edəcəyik. Son ev oyunumuzda xal qazanmağa çalışacağıq".

28 yaşlı yarımmüdafiəçi son zamanlar meydana müdafiəçi kimi çıxmasının onun üçün çətinlik yaratdığını qeyd edib: "Sonuncu müdafiəçi kimi oynamaq vərdişlə bağlıdır. Uzun müddətdir bu mövqedə oynamasam da, orta xətlə oxşarlığı var. Mənim üçün çətindir. Son vaxtlar heyətdəki problemlərə görə bu addım atılıb. Fərqi hiss etdirməməyə çalışacağam".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.