İdman

“Səhvini etiraf etmirsənsə, kişi deyilsən” - Neymar

15 Sentyabr 2020 08:53
Baxış: 964

PSJ-nin futbolçusu Neymar Fransa Liqasının 3-cü turunda "Marsel"lə matçdan sonra (0:1) rəqibin oyunçusu Alvaro Qonzalesin ona qarşı irqçilik etməsi ilə bağlı fikirlərini bildirib.

Milli.Az qol.az-a istinadən xəbər verir ki, braziliyalı hücumçu 30 yaşlı müdafiəçinin ona "qara" dediyini və günahını etiraf etmədiyini söyləyib. Neymar həmin məsələyə görə öz Tvitter hesabında paylaşım edərək, bunları yazıb:

"Səhvini etiraf etmirsənsə, kişi deyilsən. Məğlub olmaq idmanın bir hissəsidir, irqçilik və təhqir isə yox. Mən sənə hörmət etmirəm. Sənin kişiliyin çatmır. Kişi ol. İrqçi!"

Qeyd edək ki, Neymar "Marsel"lə görüşdə Qonzalesin başına yumruq vurduğu üçün meydandan qovulmuşdu. Fransa mətbuatı onun 7 oyunluq cəzalana biləcəyini yazıb.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.