İdman

Yarışlardan təəssüratlar yaxşıdır, xüsusən də evə medalla geri döndüyüm üçün - Belarus idmançısı

16 Fevral 2020 23:44
Baxış: 882
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakıda keçirilən batut gimnastikası və tamblinq üzrə Dünya Kubokunun gümüş mükafatçısı, Belarus atleti İvan Litvinoviç (batut gimnastikasında fərdi hərəkətlər) yarışdakı çıxışından məmnun qalıb.

Milli.Az bildirir ki, bunu Trend-ə beloruslu idmançı deyib.

"Yarışlardan təəssüratlar yaxşıdır, xüsusən də evə medalla geri döndüyüm üçün. Dünya Kubokunda iştirak etməzdən əvvəl medal qazanacağıma ümid etmirdim, məqsəd finala çıxmaq idi ... . Finaldakı proqramı dəyişdirmədim, bu, ixtisasda olan proqram idi. Məşqçi bunun mübarizəyə qatılmaq və başqaları ilə rəqabət aparmaq üçün kifayət olduğunu söyləmişdi", - deyə Belarus idmançısı bildirib və əlavə edib ki, komanda daxilində böyük rəqabət vardı.

İ.Litvinoviç vurğulayıb ki, Bakının Milli Gimnastika arenasında idmançılar üçün gözəl şərait yaradılıb.

"Üçüncü dəfədir Bakıya gəlirəm, artıq gimnastika arenasına öyrəşmişik, burada hər şey doğma və tanışdır", - idmançı deyib.

Qeyd edək ki, 15-16 fevral tarixlərində Bakının Milli Gimnastika Arenasında batut gimnastikası və tamblinq üzrə Dünya Kuboku üzrə yarışlar keçirilib. 30 ölkənin 150-dək gimnastının iştirakı ilə keçirilən Kubok Tokio Olimpiya Oyunlarına lisenziya xarakteri daşıyıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.