Fransa Liqasının son turunda keçirilən "Monako" - "Amiens" matçında (3:0) maraqlı anlar yaşanıb.
Milli.Az qol.az-a istinadən xəbər verir ki, görüşün 81-ci dəqiqəsində "Monako"nun oyunçu dəyişikliyi zamanı hakim tablosunda 14 nömrəli futbolçunun meydandan çıxmalı olduğu göstərilib.
Timue Bakayoko nömrənin ona aid olduğunu zənn edərək meydançadan çıxmağa cəhd göstərib. Yalnız 4-cü hakimin xəbərdarlığı ilə o, səhvini başa düşərək meydana qayıdıb.
Qeyd edək ki, fransalı yarımmüdafiəçi 2014-2017 illərdə "Monako"da 14 nömrəli formada çıxış edib. Hazırda icarə əsasında Fransa klubunda oynayan 25 yaşlı futbolçu 6 nömrəli formanı geyinir.
Milli.Az