İdman

Bakıda dünya çempionatının qalibləri mükafatlandırılıb - FOTO

21 Sentyabr 2019 20:56

Baxış: 951

VTB-də minimal faiz dərəcəsi ilə nağd kredit 9.9%-dən

#GİMNASTİKA

Bu gün Bakıda Milli Gimnastika Arenasında bədii gimnastika üzrə 37-ci dünya çempionatının qrup hərəkətlərində çoxnövçülük üzrə qaliblərin mükafatlandırılma mərasimi keçirilib.

Milli.Az Trend-ə istinadən bildirir ki, birinci yeri Rusiya komandası, ikinci yeri Yaponiya komandası, üçüncü yeri isə Bolqarıstan komandası tutub.

Mükafatları Beynəlxalq Gimnastika Federasiyasının (FIG) vitse-prezidenti Vasiliy Titov, Texniki Komitənin (FIG) vitse-prezidenti Şihoko Sekita və FIG Texniki Komitəsinin üzvü Daniela Dellekyayi təqdim ediblər.

Qeyd edək ki, Milli Gimnastika Arenasında keçirilən dünya çempionatı sentyabrın 16-da başlayıb və sentyabrın 22-dək davam edəcək. 61 ölkədən 300-dən artıq gimnast, çempionatda 9 dəst medal uğrunda mübarizə aparacaq.

Bakıda keçirilən möhtəşəm dünya çempionatının şüarı: "Nağıllar həyatda gerçəkləşəcək"dir ("Fairy Tales will come to life").

Milli.Az