Futbol yığmamız sabah AÇ-2012-nin seçmə mərhələsi çərçivəsində növbəti oyununu keçirəcək. Berti Foqtsun yetirmələri Astanada Qazaxıstan millisi ilə üz-üzə gələcək. Geriyə boylandıqda, komandamızın azsaylı səfər qələbələrindən birini məhz bu rəqib üzərində qazandığını görürük.
Millimiz 2004-cü ilin aprelində Karlos Alberto Torresin başçılığı altında Qazaxıstan yığmasını 3:2 hesabı ilə məğlub etmişdi. Düzdü, həmin qarşılaşma yoldaşlıq xarakterli bir matç idi, amma istənilən halda qələbə, elə qələbədir.
Qazaxıstan üzərində qazanılan qələbədən 7 il ötüb və Torres artıq yığmamızın "sükanı arxasında" yox, vətənindədir. Buna rəğmən, braziliyalı futbol əfsanəsi ilə əlaqə saxlayıb, həm hal-əhval tutduq, həm də ona tanış rəqiblə oyunumuz ərəfəsində fikirlərini öyrəndik.
- Salam, cənab Torres. Sizi Azərbaycandan, Milli.Az xəbər portalından narahat edirik.
- Salam, salam. Buyurun, xoşdur.
- Necəsiniz? Nə işlə məşğulsunuz?
- Yaxşıyam, çox sağ olun. Hazırda Braziliya çempionatının A seriyasında çıxış edən "Botafoqo"da çalışıram. Klubun baş meneceriyəm. Mövsüm yenicə başladığından iş-güc çoxdur.
- Azərbaycan futbolu ilə maraqlanırsınızmı?
- Maraqlanmaq deyəndə, ancaq internet vasitəsi ilə bəzi şeylərdən xəbər tuturam. Yəni ölkənizlə bağlı qarşıma nəsə xəbər çıxanda mütləq oxuyuram. Amma ümumən götürəndə, son illər Azərbaycan futbolunda baş verənlər barədə ətraflı məlumatım yoxdur.
- Azərbaycanda kiminləsə əlaqə saxlayırsınız?
- Xeyr, heç kimlə. Deyəsən, ancaq jurnalistlərin yadına düşürəm (gülür).
- Həmyerliləriniz Flavinyo, Rodriqinyo, Denis Silva və Alessandro Viana da Silvanın formasını geyindiyi "Neftçi" ölkə çempionu oldu. Bundan xəbəriniz var?
- Bəli, haradasa belə bir məlumat oxudum. Ümumiyyətlə, Azərbaycanda yaxşı braziliyalı futbolçular var. Bildiyim qədər, onlar çıxış etdikləri komandalarda aparıcı rol oynayırlar. Əminliklə deyə bilərəm ki, braziliyalılar Azərbaycan futbolunun inkişafında xüsusi önəm daşıyırlar və çempionatınıza rəng qatırlar. Bizim futbolçular ölkənizin, onların karyerasında tramplin ola biləcəyinin fərqindədilər.
- Millimizi qarşıda AÇ-2012-nin seçmə mərhələsi çərçivəsində Qazaxıstan yığması ilə səfər matçı gözləyir. Biz bu rəqibi artıq bir dəfə Almatıda yenmişik və həmin qələbə sizin rəhbərliyiniz altında əldə olunub. Sizə tanış rəqiblə duel ərəfəsində xələfiniz Berti Foqtsa nə məsləhət görərdiniz?
- Bağışlayın, amma Foqtsa məsləhət verə bilmərəm. O, özü həm dahi futbolçu olub, həm də dahi məşqçidi. Foqts işini bilən adamdı, nə lazımdırsa, edəcək. İnanıram ki, onun rəhbərlik etdiyi yığmanız doğru yoldadı. Çəkilən zəhmət öz bəhrəsini verəcək.
- Yenidən ölkəmizdə işləmək istərdiniz?
- Əlbəttə, niyə də olmasın? Mənim Azərbaycandan və azərbaycanlılardan xoşum gəlir. Xalqınız barədə ancaq müsbət sözlər deyə bilərəm. Azərbaycanlılar çox mədəni və dünyagörüşlü insanlardılar. Hər kəsə salamımı çatdırın. Qismət olar, dəvət göndərərlər, yenidən orada işləyərəm.
Şamo Quliyev
Milli.Az
İdman
Karlos Alberto Torres: "Bağışlayın, amma bunu edə bilmərəm" - EKSKLÜZİV - FOTO
2 İyun 2011 09:45
Baxış: 1 460
DİGƏR XƏBƏRLƏR
XƏBƏR LENTİ
- Şeyxin 45 il əvvəlki görüntüsü - FOTO
- ABB-dən tam rəqəmsal təcrübə ilə “İnvoysların maliyyələşdirilməsi”
- AFFA iki baş məşqçini cəzalandırdı
- "Sən mənim atamın dostunun balasısan" - Röyadan Aytaca JEST - VİDEO
- Bakı müasirlik və tarixiliyin harmoniyası fonunda - FOTO
- Ağdamda vəfat edən 12 yaşlı uşağın FOTOsu - YENİLƏNİB
- Mayın 29-nun ən xoşbəxt BÜRCÜ: Sevinclə dolu gün olacaq
- Bakıda ŞOK OLAY: Qadın hirsini sevgilisinin LÜKS avtomobilindən çıxardı - VİDEO
- Bakı Bulvarında 43 kanalizasiya quyusunun dəmir barmaqlıqları oğurladı - FOTO
- Deputat Azərbaycanın siyasətini anlayırmı? - VİDEO
- Aysunun keçmiş əri yeni eşqə yelkən açdı - FOTO
- Son 16 mövsümün rekordu
- Bakının ən dik yolu ləğv olunur - VİDEO
- İlham Əliyevə təbriklər gəlməkdə davam edir
- Litva Prezidenti İlham Əliyevə təbrik məktubu ünvanlayıb
- İsrailin Mexikodakı səfirliyinə hücum: Yaralananlar var
- Azərbaycan çempionatının pley-offunda VAR tətbiq olunacaq
- “Hər yeni gün sülh müqaviləsini imzalamaq üçün əla fürsətdir” - Paşinyan - VİDEO
- Hadisə Zəfər mahnısını açıq-saçıq geyimdə oxudu, qalmaqal düşdü - VİDEO - FOTO
- Qazaxda tapılan minalar Ermənistan istehsalıdır - Sədr
- Qırmızı Ürəklər Fondunun şəhid və qazi ailələrinin fərdi yaşayış evləri ilə təmin edilməsi istiqamətində layihəsi davam edir
- Sabah Bakıda 31° isti olacaq
- Əfv olunan şəxsi QARŞILAYAN OLMADI - VİDEO
- Sevinc Əliyeva Avropa çempionunun yumruqları altından sağ çıxdı! - VİDEO