İdman

Arda Gülerlə bağlı pis XƏBƏR: Dünya çempionatını buraxacaq?

23 Aprel 2026 16:00

Baxış: 2 115

VTB-də minimal faiz dərəcəsi ilə nağd kredit 9.9%-dən

#TÜRKİYƏ #REAL MADRİD #FUTBOL #FİFA #PRİMERA #REAL #ARDA GULER

Arda Gülerin zədəsi həm klubu, həm də milli komanda üçün narahatlıq yaradıb.

Milli.Az-ın Türkiyə mediasına istinadən məlumatına görə, gənc futbolçu "Real Madrid"in heyətində "Deportivo Alaves"ə qarşı keçirilən oyunda zədələnib. Qarşılaşmanın 58-ci dəqiqəsində əvəzlənən oyunçu sonradan məşqlərdə iştirak etməyib.

Aparılan müayinələr və MRT nəticəsində onun budun arxa hissəsində yerləşən biceps femoris əzələsində zədələnmə aşkar edilib. Həkimlərin rəyinə əsasən, Arda Güler ən azı 4 həftə yaşıl meydanlardan kənarda qalacaq. Bu isə onun mövsümün qalan hissəsini buraxacağı anlamına gəlir.

Bu vəziyyət Türkiyə millisi üçün də ciddi narahatlıq doğurur. Xüsusilə qarşıdan gələn Dünya Çempionatı öncəsi futbolçunun durumu diqqət mərkəzindədir.

Qeyd edək ki, Türkiyə millisi mundialda ilk oyununu iyunun 14-də Avstraliyaya qarşı keçirəcək. Komandanın tibbi heyəti Arda Gülerın turnirə qədər tam hazır vəziyyətə gəlməsi üçün xüsusi proqram üzərində çalışır.

Tural
Milli.Az