İdman

“Barselona” “Real”ı darmadağın edib yarımfinala çıxdı

3 Aprel 2026 09:30

Baxış: 578

VTB-də minimal faiz dərəcəsi ilə nağd kredit 10.49%-dən

#BARSELONA #REAL MADRİD #FUTBOL

Qadınlar arasında Çempionlar Liqasının dörddəbir finalının "Barselona" və "Real Madrid" komandaları arasında keçirilən ikinci oyun başa çatıb.

Milli.Az İdman.Biz-ə istinadən bildirir ki, matç Barselonadakı "Spotify Camp Nou" stadionunda baş tutub. Kataloniya komandası oyunu 6:0 hesabı ilə qazanıb.

"Barselona"nın yarımmüdafiəçisi Aleksia Putellas səkkizinci dəqiqədə hesabı açıb. 15-ci dəqiqədə hücumçu Karolin Qrem Hansen "blauqrana"nın üstünlüyünü artırıb. 27-ci dəqiqədə İren Paredes hesabı 3:0 edib. 34-cü dəqiqədə hücumçu Eva Payor Kataloniya komandasının dördüncü qolunu vurub. İkinci hissənin 55-ci dəqiqəsində Karolin Qrem Hansen dubl edib. 74-cü dəqiqədə Esme Bruqts hesabı 6:0 edib.

"Barselona" ilk oyunda 6:2 hesabı ilə qalib gəlib.

Beləliklə, "Barselona" Çempionlar Liqasının yarımfinalına çıxıb və orada "Bavariya" ilə qarşılaşacaq.

Milli.Az