İdman

"Milan" ulduzunu SATACAQ

18 Mart 2026 12:00
Baxış: 786
VTB-də minimal faiz dərəcəsi ilə nağd kredit 9.9%-dən
#TRANSFERLƏR #FUTBOL #SERİYA A #MİLAN FK

İtaliyanın Milan klubunda gözlənilməz qərar gündəmdədir.

Milli.Az xarici mətbuata istinadən xəbər verir ki, komanda rəhbərliyi portuqaliyalı hücumçu Rafael Leao ilə yollarını ayırmağa hazırlaşır.

Məlumata əsasən, buna səbəb futbolçunun A Seriyasının XXIX turunda Lazio ilə keçirilən qarşılaşmada (0:1) əvəzlənərkən göstərdiyi aqressiv davranış olub. Martın 15-də baş tutan oyunun 66-cı dəqiqəsində meydanı tərk edən 26 yaşlı forvard narazılığını gizlətməyərək emosional reaksiya verib. O, onu sakitləşdirməyə çalışan komanda yoldaşlarını itələyib və baş məşqçi Massimiliano Allegriyə etirazını bildirib.

İddialara görə, "Milan" rəhbərliyi müqaviləsində 170 milyon avroluq sərbəstqalma maddəsi yer alsa da, futbolçu üçün 80 milyon avrodan başlayan təklifləri nəzərdən keçirməyə hazırdır.

Qeyd edək ki, Rafael Leao 2019-cu ildən "qırmızı-qaralar"ın formasını geyinir. O, cari mövsümdə bütün turnirlərdə 24 oyuna çıxaraq 10 qol vurub və 2 məhsuldar ötürmə ilə yadda qalıb. "Transfermarkt" portalı isə hücumçunun bazar dəyərini 70 milyon avro civarında qiymətləndirir.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.