İdman

La Liqadan tarixi qərar: "Barselona" - "Vilyarreal" oyunu burada keçirilə bilər!

12 Avqust 2025 15:50

Baxış: 499

VTB-də yüksək depozit faizleri daha çox qazandırır

#İDMAN #BARSELONA #İSPANİYA #AFFA

İspaniya Futbol Federasiyası La Liqanın 17-ci turunda keçiriləcək "Vilyarreal" - "Barselona" qarşılaşmasının ölkə xaricində oynanmasına ilkin razılıq verib.

Milli.Az xəbər verir ki, bu barədə federasiyanın mətbuat xidməti məlumat yayıb.

Bildirilib ki, qarşılaşmanın 2025-ci il dekabrın 20-də ABŞ-ın Mayami şəhərində yerləşən "Hard Rock Stadium"da keçirilməsi üçün artıq FIFA-ya da rəsmi müraciət ünvanlanıb. Əgər beynəlxalq futbol qurumu etiraz etməzsə, bu oyun Avropanın "böyük beşlik" liqalarından birinə aid ilk rəsmi qarşılaşma olacaq ki, Avropa hüdudlarından kənarda baş tutacaq.

Qarşılaşmanın Mayamidə təşkili həm də maraqlı məqamla diqqət çəkir: beləliklə, "Barselona"nın əfsanəvi sabiq futbolçusu Lionel Messinin çıxış etdiyi "İnter Mayami" komandası ilə eyni şəhərdə oynamaq imkanı yaranacaq.

Kənan
Milli.Az