İdman

“Onlarla oynamaq baş ağrısıdır” - Ançelotti

11 Fevral 2025 07:38
Baxış: 1 082
VTB-də minimal faiz dərəcəsi ilə nağd kredit 9.9%-dən
#REAL MADRİD

"Real Madrid"in baş məşqçisi Karlo Ançelotti Çempionlar Liqasının pley-off mərhələsində "Mançester Siti" ilə keçiriləcək oyunla bağlı fikrlərini bölüşüb.

Milli.Az qafqazinfo-ya istinadən xəbər verir ki, mütəxəssis matç öncəsi hazırlıq prosesini kabus kimi qiymətləndirib.

"Bu, mənə müasir klassika kimi gəlir, çünki biz illərdir bu yarışmada bir-birimizə qarşı oynayırıq. Matç əvvəlkilər kimi maraqlı olacaq. Nə olacağını təxmin etmək çox çətindir, çünki hər şey keyfiyyətlərdən, fərdi bacarıqlardan asılıdır... Bunlar çox yüksək səviyyəli oyunlardır və siz ən yaxşı olduğunuzu göstərməlisiniz.

"Mançester Siti" ilə oynamaq həmişə baş ağrısıdır. Amma reallıq budur ki, bu klub bizi məğlub edəndə Çempionlar Liqasını qazandı. Əminəm ki, ən yaxşı komanda turnirdə daha da irəli gedəcək. Təəccüblüdür ki, bu, pley-off matçı olacaq... Bizim burada olmağımız UEFA-nın yox, özümüzün günahıdır, çünki bu matç final və ya yarımfinal ola bilərdi. Ancaq yenə deyirəm, bu tamamilə bizim günahımızdır".

Məşqçilik karyerası ərzində Qvardiolaya qarşı keçirdiyi 12 oyunun dördündə qalib gələn Ançelotti hesab edir ki, iki komanda arasındakı rəqabət Avropada ən böyük rəqabətə çevrilib.

"Hər dəfə bir-birimizə qarşı oynadığımız zaman oyunlara hazırlaşmaq kabusdur, çünki həmişə sizi düşündürən fikirlər ortaya çıxır".

Qeyd edək ki, "Real"ın "Mançester Siti"yə qarşı səfərdə keçirəcəyi ilk matç fevralın 11-dən 12-nə keçən gecə, Bakı vaxtı ilə 00:00-da start götürəcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.