İdman

Azərbaycanın qadın boksçusundan tarixdə bir ilk

31 Oktyabr 2024 08:25

Baxış: 440

#İDMAN #BOKS #İDMANÇI

Azərbaycanın qadın boksçusu Aynur Mikayılova tarixi bir ilkə imza atıb.

Milli.Az xəbər verir ki, 57 kq çəkidə mübarizə aparan yığma üzvü Monteneqronun Budva şəhərində gənclər arasında keçirilən dünya birinciliyində bunu reallaşdırıb.

Mikayılova 1/4 finalda Reka Varqa Saraya (Macarıstan) ilk raundda tam üstünlüklə qalib gəlib. O, yarımfinala yüksəlməklə özü üçün azı bürünc medalı təmin edib. Bu, Azərbaycan boks tarixində bir ilkdir. İndiyədək ölkəmizin heç bir qadın boksçusu dünya birinciliyində bu mərhələyə qədər irəliləməyib. Onun qazanacağı istənilən medal isə boks tariximizə qadınlardan ibarət yığmanın ilk mükafatı kimi düşəcək.

Qeyd edək ki, mundialda yarımfinal görüşləri sabah təşkil olunacaq.

Milli.Az
Xəbərlərimizi WhatsApp kanalımızdan da oxuyun