İdman

“Komandada satqın var”

30 Noyabr 2022 17:36
Baxış: 1 330
VTB-də minimal faiz dərəcəsi ilə nağd kredit 9.9%-dən
#FUTBOL #DÇ-2022

Qətərdəki dünya çempionatında iştirak edən Belçika millisinin düşərgəsində vəziyyət getdikcə gərginləşir.

Milli.Az apasport.az-a istinadən bildirir ki, əksər futbolçular bir-birlərindən küsülüdürlər ki, bu amil komandanın nəticələrinə də təsirsiz ötüşmür.

Qapıçı Tibo Kurtua ilə yarımmüdafiəçi Kevin de Bruyne illərdir danışmırsa, Romelu Lukaku və Mişi Batşuayi də küsülüdür. Həmçinin Eden Azar da daxil olmaqla bir neçə oyunçu aralarında tez-tez gərginlik yaşayır.

Kurtua da yerli mətbuata açıqlamasında yığmada problem olduğunu gizlətməyib: "Komandada heç kim xoşbəxt deyil. Aramızda bir satqın var, amma onun kim olduğunu axtarmağa ehtiyac yoxdur. Onu tutsaq, bu, komandadakı son günü olacaq".

Qeyd edək ki, Belçika yığması F qrupunda iki turdan sonra 3 xalla üçüncü pillədə qərarlaşıb. Komanda qrupda son oyununu sabah Xorvatiyaya qarşı keçirəcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.