Cəmiyyət

Üz dərisini gözəlləşdirən zəncəfil maskaları

30 Noyabr 2021 23:30

0 Şərh Baxış: 2 562

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Zəncəfil dərinin qocalması ilə mübarizə aparır, dərini bərpa edir, tonuslaşdırır, təmizləyir, dərinin rəngini yaxşılaşdırır.

Zəncəfil müxtəlif dəri tipləri üçün olan maskaların tərkibində istifadə olunur.

1. Klassik zəncəfil maskası

Zəncəfil kökünün kiçik hissəsini (2-3 sm) blenderdə əzin, 1 xörək qaşığı zeytun yağı əlavə edin, qarışdırın və üz dərisinə çəkin. 15-20 dəqiqədən sonra üzünüzü ilıq su ilə yuyun.

2. Həssas dəri üçün zəncəfil maskası

Zəncəfil kökü (2 sm), 1 çay qaşığı limon şirəsi, 1 xörək qaşığı bal blenderdə qarışdırın. Bu qarışıq 2 saat ərzində soyuducuda saxlanılmalıdır. Sonra maskanı təmiz üz dərisinə çəkin və 15-20 dəqiqədən sonra ilıq su ilə yuyun.

3. İltihabəleyhinə zəncəfil maskası

Zəncəfil kökü (2 sm), portağal şirəsi, 1 xörək qaşığı bal və 1 xörək qaşığı qatıq blenderdə qarışdırın və təmiz üz dərisinə çəkib 15-20 dəqiqədən sonra üzünüzü yuyun.

4. Cavanlaşdırıcı zəncəfil maskası

- Zəncəfil kökü (3 sm), 1 dəstə nanə, 1 çay qaşığı bal və 1/3 banan blenderdə qarışdırılır və təmiz üz dərisinə çəkilir. 20 dəqiqədən sonra üzünüzü təmiz su ilə yuyun.

- 1 xörək qaşığı sürtgəcdən keçirilmiş zəncəfil, 1 çay qaşığı balla, 1 çay qaşığı limon şirəsi ilə, 1 xörək qaşığı xama ilə, 1 kapsul E vitamini ilə qarışdırılır, təmiz üz dərisinə çəkilir. 20 dəqiqədən sonra ilıq su ilə yuyulur.

5. Tonuslaşdırıcı maska zəncəfillə

1 xörək qaşığı zəncəfil kökü 1 xörək qaşığı balla qarışdırılır və üz dərisinə çəkilir. Üzünüzü 20 dəqiqədən sonra təmiz su ilə yuyun.

6. Ağardıcı maska zəncəfillə

Zəncəfil, qızılgül, badam, qreypfrut efir yağları (hərəsindən 3-4 damcı) 2 xörək qaşığı xama ilə qarışdırılır və təmiz üz dərisinə çəkilir. 20 dəqiqədən sonra ilıq su ilə yuyulur.

Milli.Az

Milli.Az - Xəbər Portalı

Üz dərisini gözəlləşdirən zəncəfil maskaları

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?