Cəmiyyət

150 manata saxta COVİD-19 pasportu satan həkimlər saxlanılıb - VİDEO - FOTO

2 Avqust 2021 14:12
4 Şərh     Baxış: 8 889

Baş Prokurorluq və Daxili İşlər Nazirliyi birgə məlumat yayıb.

Məlumatda qeyd edilir ki, daxil olmuş məlumatlar və aparılan yoxlamalar nəticəsində paytaxt ərazisində yerləşən bir neçə tibb müəssisəsində pul müqabilində bəzi vətəndaşlara dair məlumatların vaksinasiya prosesindən keçmədən "e-TƏBİB" elektron qeydiyyat sisteminə yerləşdirilməsi və bununla da həmin şəxslərin guya vaksin olunmaları ilə bağlı saxta COVİD-19 pasportu ilə təmin edilmələri məlum olub.

Belə ki, həyata keçirilən əməliyyat zamanı müəyyən olunub ki, Sabunçu rayonunda yerləşən 11 saylı poliklinikanın qeydiyyatçısı Nəzrin Məmmədova, həmin tibb müəssisəsinin, eləcə də Bakı şəhəri Təcili və Təxirəsalınmaz Tibbi Yardım Stansiyasının həkimləri Gülnarə Mədətzadə və Vaqif Mirzəyevlə əlbir olaraq vətəndaşlardan 150 manat məbləğində pul alıb onlara vaksinasiyadan keçmədən peyvənd olunmalarını özündə əks etdirən saxta sənəd təqdim ediblər. Bu şəxslərin eyni üsulla çoxsaylı vətəndaşlardan pul alaraq onları peyvənd olunmadıqları halda "e-TƏBİB" elektron qeydiyyat sistemində vaksin olunmuş şəxslərin siyahısına daxil etdikləri də məlum olub.

Analoji hal Bakı Şəhər Baş Səhiyyə İdarəsinin Kürdəxanı Sağlamlıq Mərkəzində də aşkar edilib. Müəyyən olunub ki, həmin mərkəzin həkimi Ayaz Kərimov qeyd edilən müəssisədə tibb bacısı işləyən Kəmalə Əliyeva ilə birlikdə pul müqabilində ayrı-ayrı vətəndaşlar barədə guya onların vaksin olunmalarını özundə əks etdirən saxta məlumatları "e-TƏBİB" elektron qeydiyyat sisteminə daxil ediblər. Bununla da Ayaz Kərimov və Kəmalə Əliyeva tərəfindən pul aldıqları vətəndaşlara peyvənd olunmadan onlara vaksin vurulduğu barədə saxta sənəd təqdim olunub.

Qeyd edilən hər iki faktla bağlı Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin İstintaq və Təhqiqat İdarəsində istintaq araşdırmaları aparılır. İş üzrə əhəmiyyət kəsb edən halların, göstərilən qanun pozuntularında hər hansı formada iştirak etmiş digər şəxslərin müəyyənləşdirilməsi istiqamətində əməliyyat-istintaq tədbirləri davam etdirilir.

Baş Prokurorluq və Daxili İşlər Nazirliyi vətəndaşlara müraciət edərək koronavirus əleyhinə peyvənd vurulması, habelə COVID-19 testinin nəticələri ilə bağlı vətəndaşlara saxta sənəd verilməsi halları ilə üzləşdikdə "102" Xidməti Zəng Mərkəzi, "961" nömrəli "Çağrı Mərkəzi", "161" nömrəli "Qaynar xətt" əlaqə mərkəzi, o cümlədən Baş Prokurorluğun və Daxili İşlər Nazirliyinin sosial şəbəkələrdəki səhifələri vasitəsilə məlumat verilməsini xahiş edir.

Milli.Az

Şərh yaz:

4 Şərh:

  • Anonim
    jo · 2 Avqust 18:1130

    150 manat verenlere ne olacaq belelerine niye ceza tedbiq etmirler esas cezalandrilan bu kimi saxta senedleri diplomlari surucu ve elillik ve s vesiqesi olanlardir

    Cavab yaz
  • Anonim
    Vüqar · 2 Avqust 22:5230

    Bizim dövlət sistemində hansı qurumda korrupsiya mövcud deyilki.Bütün hüquq mühafizə orqanlarında(ədliyyə,məhkəmə, prokurorluq,polis orqanlarıda daxil olmaqla,icra hakimiyyətləri,səhiyyə sistemi,Dövlət sosial müdafiə fondu,təhsil sistemi və sair qurumlarda korrupsiya faktları yetərincədir və hamısıda korrupsiyaya bulaşmışlar.Bunlar reallıqdır.

    Cavab yaz
  • Anonim
    asa · 3 Avqust 11:4200

    korrupsiyani kim yaradir bir satan bir de alan demeli alanlar da saxtakarliqlara yol verirler onlarin cezasi da aqir oimalidir

    Cavab yaz
  • Anonim
    Seid · 3 Avqust 11:5610

    Bu PASPORTU vermekler belkede bunlar her hansi insani KARONA vaksinin olacaqi antieffektinden qoruyublar. GLOBAL aferistlerin vaksin oyunundan kimlerise xilas edirler? Onda bunlara beraet qazandiracaqlarmi? Mecburi "KONULLUK" etdirem ekser dovlet ishlerindeki mudurleri niye tutmursunuz? Xeste PROMBOZ olan supurgechileri bele ISHDEN CHIXARACAM hedesi ile mecbur edirler. MEYER bunlari tutan organlar bunu bilmirler. Sadece mensheyi belli olmayan bu VAKSINI her yoldan kechene bele vururlar. Milletin genetikasini mehv edirler meyer bunu bilmirler. Allah bu hekimleerin atasina rehmet ki her hansi bir neche neferi bu PASPORT belasindan gurtariblar. Rushvetxor xtarirsinizsa butun ICRA ve NAZIRLIKLERI baglayin.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.