Cəmiyyət

Azərbaycanda məşhur qardaşlardan yadigar qalan abidələr bərpa ediləcək

26 Yanvar 2012 15:56

0 Şərh Baxış: 1 635

VTB-də yüksək depozit faizleri daha çox qazandırır

#SİEMENS AG

Milli.Az-ın Kəpəz TV kanalına istinadən verdiyi məlumata görə, XIX əsrin ortalarında Gədəbəydə filiz hasilatı və emalı ilə məşğul olan Almaniyanın "Siemens qardaşları" firmasının payına Çar Rusiyasında əridilən misin dörddə bir hissəsi düşürdü. XIX əsrdə misin xüsusi vaqonlarla daşınması üçün almanlar rayon ərazisində körpü də tikiblər.

Gədəbəydə Siemenslərdən qalan qədim tikililər, əşyalar və evlərin qorunması məsələsi gündəmdədir. Siemens qardaşları 1879-cu ildə Zaqafqaziyada ilk dəfə uzunluğu 32 km olan Gədəbəy-Qalakənd arasında dəmiryolu çəkiblər. Bu dəmiryolunda 4 lokomotiv, 33 vaqon hərəkət edib. Almanlar sənaye üsullu dəmiryolu dövründə dünyanı heyran qoya biləcək elektrikləşmə sistemi də yaradıblar. Bu gün də həmin yol ilə bağlı salınmış körpülər tarixi abidə kimi qalmaqdadır.

Gədəbəy rayon Mədəniyyət və Turizm şöbəsinin əməkdaşı Etibar Əliyev bildirib ki, dəmiryolunun keçdiyi ərazi coğrafi mövqeyinə uyğun olaraq körpülər, körpücüklər, akveduklar və kanallar üzərindən çəkilib. Burda hal-hazırda o dövrdə tikilən körpülərin 30-a qədəri qalmaqdadır. Körpülər müxtəlif tağlardan ibarətdir. Orada 1 tağlı körpüdən tutmuş, 12-13 tağlı körpülər var.

Milli.Az