Cəmiyyət

Ağsuda 305 tibb işçisi koronavirusa qarşı peyvənd olunub

27 Yanvar 2021 17:03
Baxış: 422

Ağsu rayonunda tibb işçilərinin koronavirus infeksiyasına qarşı peyvəndləmə prosesi yekunlaşmaq üzrədir.

Milli.Az xəbər verir ki, bu barədə Trend-ə açqlamasında Ağsu rayon Mərkəzi Xəstəxanasının direktoru Əli Hüseynov deyib. Direktor bildirib ki, artıq 305 tibb işçisi pryvənd olunub: "Ümumilikdə, rayon üzrə 450 nəfər tibb işçisi peyvənd olunmalıdır. 94 tibb işçisi isə koronavirus infeksiyasına yoluxduğu üçün onlar peyvənd olunmayacaq".

Ə.Hüseynov bildirib ki, tibb işçiləri özləri könüllü olaraq peyvənd olunmaq üçün müraciət edirlər: "Müraciətlərə baxılır, yoxlanılır, əgər əks təsir yoxdursa, onların peyvəndlənməsinə şərait yaradılır".

Direktor qeyd edib ki, xəstəxanada peyvəndlənmə prosesinin həyata keçirilməsi üçün bütün şərait yaradılıb.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.