Cəmiyyət

"BakıKart"ın balansını onlayn artırmaq mümkün olacaq

12 Yanvar 2021 11:51
Baxış: 1 585

Bakı Nəqliyyat Agentliyi (BNA) "BakıKart" ödəniş kartlarının balansının nağdsız üsulla artırılması imkanlarının reallaşdırılması üzrə işləri davam etdirir.

Milli.Az bildirir ki, bunu Trend-ə BNA mətbuat xidmətinin rəhbəri Mais Ağayev deyib.

Onun sözlərinə görə, bu istiqamətdə işlər 2020-ci ildə başlayıb, layihənin nə zaman başa çatacağı hələ məlum deyil.

M.Ağayev əlavə edib ki, Azərbaycanın Türkiyədən idxal edəcəyi yeni 320 avtobusda kartla ödəniş tətbiq olunacaq. Bundan başqa, nağd ödənişin tətbiq olunduğu bir sıra avtobus marşrutlarını da təmassız ödəniş sisteminə keçirmək planlaşdırılır.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.