Ən yaxşı müasir nağıl müsabiqəsi davam edir! - FOTO

Lady.Day.Az-ın ən yaxşı müasir nağıl müsabiqəsi davam edir. Öz qəhrəmanını yarat və Nar Mobile!-dan mükafat al. 

Redaksiyaya ən yaxşı nağıl və nağıl personajı müsabiqəsinə qatılmaq istəyən müəlliflərdən çoxlu məktublar gəlir.
 

Lady Day.Az əvvəl də xəbər vermişdi ki, Milli.Az saytı, "SS Production" reklam şirkəti ilə birlikdə Nar Mobile-ın sponsorluğu ilə müsabiqə elan edib. Əsas məqsəd Azərbaycanda müasir uşaq ədəbiyyatının təbliği və inkişafı, eyni zamanda yeni nağıl personajlarının yaradılmasıdır.

Birinci yeri qazanacaq şəxsə Nar Mobile-dan mükafat olaraq iPhone 5s, ikinci yerə iPad mini 16 GB, üçüncü yerə isə Samsung tablet mini, oxucu məmnunluğu mükafatının sahibi isə Nar modem + 6 ay İnternet təqdim olunacaq.

"SS Production" qaliblərin işlərinin daxil edildiyi illüstrasiyalı kitab nəşr edəcək.

Redaksiyaya və [email protected] elektron poçtuna öz güclərini sınamaq istəyən çoxlu sayda oxucunun məktubu daxil olub. Onlar müsabiqənin şərtləri ilə maraqlanırlar. Oxuculardan biri yazıb ki, artıq bir ilə yaxındır ki, belə bir layihə üzərində işləyir. Onun rus dilində illüstrasiyaları ilə birlikdə nağıl variantı var. Ancaq həcmi müsabiqənin şərtlərini bir qədər aşır.

Təşkilat komitəsi hesab edir ki, nağılı qısaltmağa ehtiyac yoxdur. Nağılı elə yazdığı kimi göndərmək gərəkdir. Münsiflər heyətinin üzvləri həmin materialla tanış olduqdan sonra öz tövsiyələrimizi yazacağıq. İllüstrasiya məsələsinə gəlincə isə, göndərilən nağıllara belə əlavələr yalnız alqışlanır.

Nağılları yuxarıda qeyd olunan elektron poçt ünvanına sentyabr ayının sonuna qədər göndərmək olar. Göndərilən bütün nağıllar Lady Day.Az saytında dərc olunacaq ki, tək nüfuzlu münsiflər heyəti deyil, həm də oxucular qiymət verə bilsinlər. Çünki oxucuların qiymətləndirdiyi müəlliflər də mükafat alacaqlar.

Təşkilat komitəsi nağılların hansı yaşda oxuculara şamil edilməsi barədə məhdudiyyət qoymayıb. Yalnız əsərin bədii dəyərinə önəm verilir.

Peşəkar münsiflər heyətinin sədri Qəşəm Nəcəfzadədir.

Üzvlər isə aşağıdakılardır:

Çingiz Abdullayev - xalq yazıçısı, Azərbaycan Yazıçılar İttifaqının katibi

Zahid Xəlil - uşaq yazıçısı, professor

Gülzar İbrahimova - uşaq yazıçısı

İlyas Tapdıq - uşaq şairi.

Özünüzü sınayın! Körpələrin yeni qəhrəmanının müəllifi olmaq şansını əldən verməyin.

Müsabiqənin informasiya dəstəyi həmçinin Trend İnformasiya Agentliyinə məxsusdur.

Milli.Az

Böyütmək üçün şəkillərə klikləyin