Cəmiyyət

"Niva"larla "avtoş"luq edənlər - VİDEO

20 Sentyabr 2014 11:00
2 Şərh     Baxış: 10 644
VTB-də minimal faiz dərəcəsi ilə nağd kredit 9.9%-dən
#HADİSƏ #CƏMİYYƏT #VİDEO #QƏZA #NİVA A.D.

Müşahidə kameraları onları qeydə alır, əməllərinə görə cavab verəcəklər

Son vaxtlar "VAZ 21 07" markalı avtomobillərlə yanaşı, "Niva", "Lada-Priora" markalı maşınlarla da "avtoş"luq edənlər kifayət qədərdir.
ANS TVxəbər verir ki, avtosfer.az saytında yayılan və şəhərin mərkəzi küçələrində çəkilən bu kadrlarda "Niva" markalı avtomobillərlə "avtoş"luq edənlər, hətta özləri üçün klip də çəkdiriblər.

Avtomobilin nömrələrini və üzlərini gizlədən bu gənclər gecə yarısı şəhərə çıxırlar. Küçələrin, əsasən, boş olduğu bu saatlarda insanlar evlərində rahatlıq tapmırlar. "Avtoş"lar isə ancaq mərkəzi küçələrdə hərəkət edir, asfaltda təkərlərin izini qoyub bu hərəkətləri ilə həyəcanlı anlar yaşayırlar. Amma onların bu hərəkətləri digərləri üçün təhlükəyə çevrilir.

Bəzən toy karvanlarında da bu tip avtoxuliqanlara rast gəlirik.

"Avtoş"ların iştirakı ilə baş verən, xəsarət və ölümlə nəticələnən qəzalar da az olmur. Bakı Şəhər Baş Dövlət Yol Polisi İdarəsinin şöbə rəisi Vaqif Əsədovun sözlərinə görə, bu il "avtoş"ların iştirakı ilə baş verən 19 yol-nəqliyyat hadisəsi zamanı iki nəfər dünyasını dəyişib. Bu halların baş verməməsi üçün Bakı Şəhər Yol Polisi mübarizə aparır.

Vətəndaşlar da avtoşlarla mübarizənin istisnasız aparılmasını və gecələri rahat yatmaq istəyir ki, bu da onların haqqıdır. İnsanların haqqını əlindən alan bu gənclər isə unutmasınlar ki, müşahidə kameraları onları qeydə alır və gec-tez öz əməllərinə görə cavab verəcəklər.

Milli.Az

Videonu izləmək üçün şəkilə klikləyin.


Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.