Cəmiyyət

Bakıda yanan Maserati-nin sahibi də məmur balasıdır? - YENİLƏNİB - FOTO

10 May 2014 19:55

16 Şərh Baxış: 12 921

VTB-də minimal faiz dərəcəsi ilə nağd kredit 9.9%-dən

#POPULYAR XƏBƏRLƏR #QƏZA #MASERATİ FİAT #HADİSƏ, KRİMİNAL

19:55

Bu gün səhər Bakıda yanıb, külə dönən "Maserati"nin sahibi məlum olub.

Milli.Az virtualaz.org-a istinadən bildirir ki, avromobilin sahibi Azad Abdullayev azərbaycanlı oliqarx, "Baghlan Group" şirkətlər qrupunun prezidenti Hafiz Məmmədovun şərikidir.

Hadisə baş verən anda sükan arxasında olmuş Rüfət Abdullayev (Azad Abdullayevin oğlu) H.Məmmədovun oğlu Kənan Məmmədovla yaxın dostdur.

Rüfət Abdullayevə məxsus olan və bu gün səhər saatlarında Rəşid Behbudov küçəsində yanan "Maserati"nin 10 LL 010 dövlət nömrə nişanının bir neçə maşına bağlanması üzə çıxıb. Həmin nömrə ayrı-ayrı vaxtlarda "BMW" və "Range Rover" markalı avtomobillərə vurulub.

Qeyd edək ki, bu gün səhər saatlarında Rəşid Behbudov küçəsində "Maserati" markalı avtomobil qəzaya uğrayaraq yanmışdı.

Nəsimi Rayon Polis İdarəsindən bildirilib ki, həmin avtomobil Rüfət Azad oğlu Abdullayevə məxsusdur. Maşının dövlət nömrə nişanı isə 10 LL 010-dur.

Hadisə şahidlərinin verdikləri məlumata görə, "Maserati"nün sükanı arxasında çox gənc sürücü olub. Maşının yandığını görən kimi ondan düşüb, heç söndürməyə cəhd belə etmədən hadisə yerini tərk edib.

---------

11:38

Bakıda yanan "Maserati"nin sahibi məlum oldu. Nəsimi rayon Polis İdarəsindən Milli.Az-a bildirildi ki, həmin avtomobil Rüfət Azad oğlu Abdullayevə məxsusdur. Maşının dövlət nömrə nişanı isə 10 LL 010-dur.

Hadisə şahidlərinin Milli.Az-a verdikləri məlumata görə, "Maserati"nün sükanı arxasında çox gənc sürücü olub. Maşının yandığını görən kimi ondan düşüb, heç söndürməyə cəhd belə etmədən hadisə yerini tərk edib.

--------
09:16

Bakıda dünyanın bahalı markalarına məxsus avtomobillərin qəzaları artıq adi hala çevrilib. Belə qəzalardan biri bu gün səhər saatlarında baş verib. Hadisə şahidlərinin Milli.Az-a verdikləri məlumata görə, bu gün saat 06 radələrində Rəşid Behbudov küçəsində "Maserati" markalı avtomobil qəzaya uğrayıb. Daha sonra maşın alovlanıb.

Gülər
Milli.Az

Böyütmək üçün şəkillərə klikləyin.

---------
12:57