Cəmiyyət

Bakıda daha bir yol təmirə bağlanır - XƏRİTƏ - FOTO

2 May 2014 10:16

0 Şərh Baxış: 901

#CƏMİYYƏT #AVTO #OXUCU MƏKTUBLARI

Badamdar qəsəbəsindəki Mikayıl Müşviq küçəsi bərbad vəziyyətdədir. Milli.Az xəbər verir ki, bu barədə Day.Az saytına oxuculardan biri məlumat verib. Onun sözlərinə görə, həmin yolda maşın sürmək mümkünsüzsür. Asfalt örtüyünün dəyişdirilməsinin çoxdan vaxtı çatıb.

Məsələ ilə bağlı saytın əməkdaşı "Azəryolservis" ASC ilə əlaqə saxlayıb. Qurumun mətbuat katibi Pünhan Mürsəliyev bildirib ki, yaxın bir-iki ayda həmin yol təmir ediləcək. Bu məqsədlə yol bağlanacaq. Bununla belə Mürsəliyev dəqiq tarix demədi.

Qeyd edək ki, həmin yol Badamdar dairəsindən Bakı Şəhər Dövlət Yol Polisi İdarəsi istiqamətinə gedir.

Milli.Az

Böyütmək üçün şəkillərə klikləyin.