Cəmiyyət

Aynar avtoşların Azərbaycandakı rəsmi təmsilçisi imiş? - FOTOFAKT

25 Aprel 2014 17:21
0 Şərh     Baxış: 4 444
VTB-də minimal faiz dərəcəsi ilə nağd kredit 9.9%-dən
#AZERBAİJAN #CƏMİYYƏT #BAYERİSCHE MOTORENWERKE AG BMW #MASERATİ FİAT

Bir neçə gündür ki, ölkə mediasında millət vəkili Elton Məmmədovun oğlu Aynar Məmmədovun Bakıda aeroport yolunda bahalı maşınlarla yarışa çıxması müzakirə olunur

Dünən isə Bakı Şəhər Baş Polis İdarəsi məlumat yayıb ki, 10-LR-100 nömrə nişanı "Mercedes ML", "Grand Cheroke", "Maserati", "BMW" və "Jaquar" maşınlarında istifadə olunub. Amma heç bir yol hərəkət qaydası pozması ilə bağlı fakt olmadığı üçün cəzalandırılmayıb.

Məşhur bloqqer Həbib Müntəzir Ziya Məmmədovun qardaşı oğlunun avtoşluğu ilə bağlı maraqlı yazı hazırlayıb.

Milli.Az Meydan TV-yə istinadən həmin yazını təqdim edir:

Məlum olur ki, Bakıda avtoşların yarışlarının keçirilməsini təşkil edən "PP-Performance" şirkətidir. Bu şirkət, əsasən, Almaniyada bahalı və yarış avtomobillərini ölkəyə idxal edir.

Bu şirkətin Bakıdakı distribütorunun sahibi isə nəqliyyat naziri Ziya Məmmədovun qardaşı, millət vəkili Elton Məmmədovun 26 yaşlı oğlu Aynar Məmmədovdur.

Buna sübut kimi sayta daxil olun, Azərbaycanı xəritədə seçin və görün kimin adı çıxacaq:

PP-Performance Baku, Aynar Mammadov Baku, Hazi Aslanov 115/25

Bu şirkətə məxsus maşınlar qanunsuz olaraq bütün yol hərəkəti qaydalarını pozaraq hər dəfə Binə hava limanından mərkəzə doğru olan yolda, Bilgəh-Bakı yolunda, Zığ şossesində sürət həddini aşaraq 250-300 km/saat şütüyürlər.

Xatırladaq ki, aeroport şossesində icazə verilən maksimal sürət həddi 120 km/saatdır. Bu görüntüləri özündə əks etdirən videolar "Dragtimes Baku" adı ilə bir çox sosial şəbəkələrdə yerləşdirilib.

Milli.Az

Böyütmək üçün şəkilə klikləyin.


Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.