Cəmiyyət

Azərbaycanda yenidoğulan körpələrin sayı azalır - Səbəb nədir? - (Video)

8 Oktyabr 2026 00:47

Baxış: 306

VTB-də minimal faiz dərəcəsi ilə nağd kredit 9.9%-dən

#VİDEO #UŞAQ

2015-ci ildə ölkədə 166 min 210, 2025-ci ildə isə cəmi 95 min 875 körpə doğulub.

Dövlət Statistika Komitəsinin məlumatına görə, son 10 il ərzində doğulan uşaqların sayında 70 min 335 nəfər azalma var.

Milli.Az Xəzər TV-yə istinadən bildirir ki, mövzu ilə bağlı danışan mama-ginekoloq Mahirə İsmayılova deyir ki, doğuş sayının son illərdə kəskin azalmasının əsas səbəblərindən biri qadınların 30 yaşdan sonra ana olmaq istəyidir.

Mahirə İsmayılova həmçinin qeyd edir ki, 2025-ci ildə dünyaya gələn 96 minə yaxın uşağın cəmi 46 mini qız, 50 mini oğlan uşaqlarıdır. Odur ki, qarşıdakı illərdə dünyaya uşaq gətirəcək qadınların sayında da ciddi azalma müşahidə olunacaq.

Sosiologiya üzrə fəlsəfə doktoru Üzeyir Şəfiyev isə deyir ki, insanlar bu nümunəni Avropa ölkələrindən götürürlər. Bundan başqa, boşanmaların artan dinamikası da uşaq sayına ciddi təsir göstərir.

Sosioloq hesab edir ki, mövcud tendensiyanın ciddi nəticələri ola bilər.

Mütəxəssislər hesab edirlər ki, doğum sayındakı azalma davam edərsə, qarşıdakı illərdə demoqrafik yük daha da artacaq. Bu isə həm əhalinin yaş strukturuna, həm də təhsil və əmək bazarına ciddi təsir göstərə bilər.

Daha ətraflı videomaterialı təqdim edirik.

Müəllif: Ülkər Vəliyeva (Milli.Az redaktor)