Cəmiyyət

Bakıda sakinlər illərdir bu problemlə üz-üzədir

29 İyul 2026 14:57
Baxış: 263
VTB-də minimal faiz dərəcəsi ilə nağd kredit 9.9%-dən

Sabunçu rayonunun Pirşağı qəsəbəsində, Əjdər Məlikov küçəsində yaşayan sakinlər uzun müddətdir məişət tullantılarının toplanması üçün zibil konteynerlərinin olmadığını deyirlər. Onların sözlərinə görə, bu səbəbdən tullantılar boş əraziyə atılır.

Milli.Az xəbər verir ki, sakinlər bildirirlər ki, isti havalarda ərazidə kəskin qoxu yaranır, külək əsəndə isə zibillər ətrafa, hətta həyətlərə qədər yayılır.

Şikayətçilərin sözlərinə görə, tullantıların toplandığı yer sahibsiz itlərin məskəninə çevrilib və bu da uşaqlar üçün təhlükə yaradır. Onlar iddia edirlər ki, yaxın vaxtlarda azyaşlılardan biri küçə itinin hücumuna məruz qalaraq xəsarət alıb.

Ərazi sakinləri əlavə edirlər ki, zibillik dəmir yolu xəttinin yaxınlığında yerləşdiyindən bu mənzərə həm yerli sakinlər, həm də paytaxta gələn qonaqlarda xoşagəlməz təəssürat yaradır.

Müəllif: Aysel Əkbər (Milli.Az müxbir) 

 
 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.