Cəmiyyət

Bakıda bu avtobus yoxa çıxıb - VİDEO

2 Aprel 2026 09:59

Baxış: 1 979

VTB-də minimal faiz dərəcəsi ilə nağd kredit 9.9%-dən

#VİDEO #AVTOBUS #SƏRNİŞİN

Bakıda sərnişindaşıma sahəsində növbəti narazılıq yaranıb.

Milli.Az xəbər verir ki, paytaxtda fəaliyyət göstərən 6 nömrəli marşrut avtobusunun uzun müddət görünməməsi sakinlərin etirazına səbəb olub. Vətəndaşların sözlərinə görə, sözügedən marşrut qeyri-müntəzəm işləyib və bu da sərnişinləri çətin vəziyyətdə qoyur.

Şikayət edən sakinlərdən biri bildirib ki, avtobusu gözləmək üçün dayanacaqda 1 saatdan çox vaxt keçirib, lakin nəqliyyat vasitəsi gəlib çıxmayıb.

Sakinlər qeyd edir ki, xüsusilə iş saatlarında belə gecikmələr ciddi problemlərə yol açır və alternativ nəqliyyat vasitəsi tapmaq da hər zaman mümkün olmur.

6 nömrəli avtobusun bu qədər gecikməsinin səbəbi isə suallar doğurur. Vətəndaşlar problemin operativ şəkildə həllini gözləyirlər.

Milli.Az