Cəmiyyət

Bu binalar hər an çökə bilər: Cavabdeh kimdir? - AÇIQLAMA

7 Yanvar 2026 11:39

Baxış: 11 472

VTB-də minimal faiz dərəcəsi ilə nağd kredit 9.9%-dən

#BİNA #SÖKÜNTÜ

Bir neçə həftə əvvəl Goranboy rayonunda qəzalı vəziyyətdə olan beş mərtəbəli binanın çökməsi əsrin yadigarı olan tikililərin vəziyyətini gündəmə gətirib.

Bu binalara kim nəzarət edir?

Milli.Az xəbər verir ki, məsələ ilə bağlı tikinti üzrə ekspert Ramil Osmanlı bildirib ki, Sovet dövründən qalmış bu binalar sonradan özəlləşdirilib və ayrı-ayrı şəxslərin mülkiyyətinə verilib:

"Bu binalar İcra Hakimiyyətinin nəzdində olan Mənzil Kommunal Təsərrüfat departamentlərinin balansına salınıb. Mütəmadi olaraq binaların idarə edilməsi texniki xidmətin göstərilməsi, istismar vəziyyətinin yoxlanılması, təmir həmin qurumlar tərəfindən həyata keçirilir.

Son illər mənzil qanunvericiliyi ilə bağlı edilən dəyişikliklərdən sonra MKTD fəaliyyəti demək olar ki, iflic vəziyyətə düşdü. Yaşayış standartlarının tələblərinə cavab verməyən və təhlükəli vəziyyətdə olan binalarla bağlı monitorinqlərin aparılması, onların qəzalı vəziyyətdə olması ilə bağlı rəylərin verilməsi həyata keçirilməlidir".

Ekspert qeyd edir ki, ölkəmizdə istismar müddətini başa vurmuş binaların sayı çoxdur. Bu binalara mütəmadi olaraq baxış keçirilməli, onların dayanıqlığı yoxlanılmalıdır.

Aysel Əkbər
Milli.Az