Cəmiyyət

Azərbaycanın ən nadir geoloji hadisə yerindən FOTOREPORTAJ

31 Oktyabr 2025 17:17

Baxış: 939

VTB-də yüksək depozit faizleri daha çox qazandırır

#MƏDƏNİYYƏT

Azərbaycan planetimizdə palçıq vulkanlarının ən geniş yayıldığı region kimi tanınır. Dünyada mövcud olan palçıq vulkanının 350-dən çoxu məhz ölkəmizin ərazisində yerləşir.

Milli.Az xəbər verir ki, bu vulkanlar əsasən Qobustan, Abşeron, Şamaxı, Siyəzən, Cəlilabad və Bərdə rayonlarında, həmçinin Xəzər dənizinin dibində müşahidə olunur.

Azərbaycanın palçıq vulkanları həm elmi-tədqiqat baxımından, həm də turizm potensialına görə böyük əhəmiyyət daşıyır. Burada baş verən təbii proseslər Yer qabığının dərin qatlarında gedən geoloji dəyişikliklər barədə mühüm məlumatlar verir.

Eyni zamanda, bu vulkanlar insanlara planetimizin ən maraqlı və nadir təbiət hadisələrindən birini canlı izləmək, təbiətin enerjisini və dinamizmini hiss etmək imkanı yaradır. Son illərdə Qobustanda yaradılmış Palçıq Vulkanları Turizm Kompleksi bu unikal təbiət sərvətlərinin daha geniş auditoriyaya təqdim edilməsinə xidmət edir.

Hazırda əraziyə gələn ziyarətçilər üçün müşahidə meydançaları, istirahət zonaları və məlumat mərkəzləri fəaliyyət göstərir. Burada həm yerli, həm də xarici turistlər üçün fotosessiyalar, ekoturlar və maarifləndirici ekskursiyalar təşkil olunur.

Həmin ərazidən olan görüntüləri təqdim edirik:

Aysel Əkbər
Milli.Az