Cəmiyyət

Kişilər niyə susur?

28 Oktyabr 2025 18:00
Baxış: 1 081
VTB-də minimal faiz dərəcəsi ilə nağd kredit 9.9%-dən
#CƏMİYYƏT #SAĞLAMLIQ

Kişilər adətən uşaqlıqdan duyğularını göstərməməyə öyrədilirlər. Onlara qorxu, ağrı və ya zəiflik nümayiş etdirməyin "kişiyə yaraşmadığı" aşılanır.

Milli.Az bildirir ki, bunu rusiyalı psixoloq Dmitri Çernışov kişilərin münasibətlərdə narazılıqlarını niyə gizlətdiklərini izah edib.

Çernışovun sözlərinə görə kişilərə məsuliyyətli olmaq, maddi uğur və statusa üstünlük vermək təlqin edilir. Bu səbəbdən onlar daxili narazılıqlarını və ya münasibətdəki xoşagəlməz hisslərini bölüşməkdə çətinlik çəkirlər.

Psixoloq əlavə edib ki, kişilər duyğular barədə açıq danışmağı da bacarmırlar, çünki onları buna heç kim öyrətməyib. Belə söhbətləri onlar çox vaxt münaqişə kimi qəbul edirlər. Nəticədə qadınla "səmimi danışmaq" cəhdləri kişidə müdafiə və ya susma reaksiyası yaradır.

Çernışov bildirib ki, vəziyyəti pisləşdirən başqa bir səbəb də qadınların "kişini sözsüz anlamaq" inamıdır. Bu yanlış düşüncə kişilərin öz hissələrini ifadə etməsini daha da çətinləşdirir, çünki onlar çox vaxt anlaşılmadıqlarını hiss edirlər.

Ekspertin fikrincə, münasibətlərdə xoşbəxtliyin açarı problemlərin yoxluğu deyil, tərəflərin bir-birini dinləmək və anlayışla davranmaq bacarığıdır. O, tərəflərə "mən belə hiss edirəm" kimi ifadələrdən istifadə etməyi, qarşı tərəfi ittiham etmədən, sakit və açıq danışmağı tövsiyə edib.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.