Cəmiyyət

Smart tipli dayanacaq niyə işləmir?

31 May 2025 11:28
Baxış: 1 335
VTB-də minimal faiz dərəcəsi ilə nağd kredit 9.9%-dən
#CƏMİYYƏT #AVTOBUS #SƏRNİŞİN

"Elmlər Akademiyası" stansiyası qarşısında yerləşən monitorlu və kondisionerli smart dayanacaqda texniki nasazlıq yaranıb.

Milli.Az xəbər verir ki, sensor sistemində baş vermiş problem səbəbindən dayanacağın qapısı açılmır.

Xüsusilə isti hava şəraitində bu hal yaşlı insanlar və səhhətində problemlər olan sakinlər üçün əlavə çətinliklər yaradır. Sakinlər mövcud vəziyyətdən narahat olduqlarını bildiriblər:

"Birdən-birə istilər düşüb. Bu vəziyyət əhali üçün çox böyük narahatlıq yaradır. Yorğun halda gəlmişəm, istəyirdim ki, oturub avtobus gələnə qədər dincəlim. Amma qapı açılmadığı üçün içəri daxil ola bilmirəm". 

Məsələ ilə bağlı Azərbaycan Yerüstü Nəqliyyat Agentliyindən bildirilib ki, smart dayanacaqda baş verən texniki nasazlıq barədə məlumatlıdırlar və problemin qısa müddətdə aradan qaldırılması üçün tədbirlər görülür.

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.