Cəmiyyət

Qaraçuxurda peyda olan manyak deyilmiş

8 Aprel 2025 11:16
Baxış: 3 940
VTB-də minimal faiz dərəcəsi ilə nağd kredit 9.9%-dən
#MƏKTƏB #MANYAK

Paytaxtın Suraxanı rayonu Qaraçuxur qəsəbəsində manyak peyda olduğu iddia olunur. 

Milli.Az xəbər verir ki, söhbət həmin ərazidə yerləşən 104 nömrəli tam orta məktəbdən gedir. Hadisənin şahidi olduğunu iddia edən valideynlərin açıqlamaları şokedici olub:

"Biz məktəbin həyətində valideynlərlə söhbət edirdik. Daha sonra təxmini 45-50 yaşında olan kişi gödəkcəsini önünə tutaraq məktəbdən çıxdı. Daha sonra o, qaçanda çılpaq olduğu görüntüləndi. Deyilənə görə, o 14 yaşlı qızın arxasıyca məktəbə girib".

Bəs övladını götürmək üçün valideyni içəri buraxmayan məktəbə manyak necə daxil olub? 

İddialara görə, o, özünü qazi kimi təqdim edərək direktorun yanına getmək istədiyini bildirib. Sonra isə məktəbə daxil olan kənar şəxs nə direktor görüb, nə də onu direktorun otagına kimi nəzarət edən birisi. 

Digər valideynlər isə bildirib ki, o məktəbdə həmin qızı dəhlizdə itirdikdən sonra başqa 5-ci sinif şagirdinə yaxınlaşaraq əxlaqsız təkliflər edib. Bütün bu baş verənlər məktəbin təhlükəsizliyin sual altda qoyur. 

Məktəbdən açıqlama almağa cəhd eləsək də, təəssüf ki bir nəticəsi olmadı. 

Sözügedən hadisə ilə bağlı DİN-in Mətbuat Xidmətinin əməkdaşı polis leytenantı Lumu İsrəfilli bildirib ki, sosial şəbəkələrdə paylaşılan məktəb ətrafında bir nəfərin neqativ hərəkətlərilə bağlı ajiotaj daşıyan məlumatlar polis əməkdaşları tərəfindən araşdırılıb.

Həmin şəxs müəyyən olunaraq polis orqanına dəvət edilib. Araşdırmalarla xüsusi narahatedici halın baş vermədiyi müəyyənləşib. Hər iki tərəf verdikləri izahatda bunun anlaşılmazlıq olduğunu bildiriblər.

Aysel Əkbər
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.