Cəmiyyət

11 il gözlədikləri binanı bir gecədə sökdülər - Nə kompensasiya, nə mənzil ala bildilər

4 Aprel 2025 13:08

Baxış: 988

VTB-də minimal faiz dərəcəsi ilə nağd kredit 10.49%-dən

#ŞİKAYƏT #SÖKÜNTÜ

2014-cü ildə 8 ailə Xətai rayonu, Kazımağa Kərimov küçəsindəki binadan mənzil alıb.

Milli.Az xəbər verir ki, müqavilə əsasında əldə etdikləri evlər 2025-ci ilin fevralında sakinlər köçürülmədən sökülüb.

Sakinlərdən biri bildirib ki, sahibkar Saday Əhmədovun qızı ona zəng edib və "gəl, pulunu al, çıxarışı ləğv edək" təklifini irəli sürüb. Şikayətçi əvvəlki qiymətlərlə indiki qiymətlərin uyğun olmadığını deyərək razılaşmadığını bildirib. Lakin, sahibkar "evi sökdürəcəyəm" deyib və həqiqətən də bina sökülüb.

Məsələ ilə bağlı Fövqəladə Hallar Nazirliyindən (FHN) verilən açıqlamaya görə, binanın texniki vəziyyəti yerli icra hakimiyyətinin müraciəti əsasında qiymətləndirilib. FHN-in Tikintidə Təhlükəsizliyə Nəzarət Dövlət Agentliyi tərəfindən həyata keçirilən qiymətləndirmə nəticəsində binanın qəzalı olduğu təsdiqlənib.

Xətai Rayon İcra Hakimiyyətindən isə bildirilib ki, söküntüdən sonra həmin ərazidə yeni bir bina inşa ediləcək və ev sahiblərinə yeni mənzillər veriləcək.

Belə olduğu halda sakinlərə isə sadəcə gözləmək qalır.

Asya
Milli.Az