Cəmiyyət

"20 Yanvar günü ev paltarı geyinib, əlimə dəsmal aldım, özümü elə göstərdim ki..."

20 Yanvar 2022 10:30
0 Şərh     Baxış: 1 598
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Milli.Az xəbər verir ki, dünyaca tanınmış fotoqraf Reza Degati moderator.az-a açıqlamasında 1990-cı ilin 20 yanvar günü Bakıda baş verən o qanlı gündən danışıb. O gün bəşəriyyətin ən qəddar faciəsinin yaşandığını bildirib:

"Azərbaycanın başında qara buludlar aldığından xəbərdar idim. O dönəmlər Azərbaycana gəlmək çox çətin idi. Sanki yaşananları öz gözümlə görmək üçün Allah mənə kömək edirdi. Biz Azərbaycana Moskvadan gəlirdik, ancaq rus əsgərləri bizə viza vermirdi. Xarici media nümayəndəsi kimi də gəlməyə ixtiyarımız da yox idi. Çarəsiz idik.  Bir çox tanınmış xarici media nümayəndələri də  Azərbaycana gəlmək istəyirdi. Onlara da heç bir şərait yaradılmırdı. Mən isə həqiqətən də o günlərdə Azərbaycanın yanında olma istəyirdim.  Azərbaycanlı dostlarım məni qatarda gizlədərək Bakıya gətirdilər. Moskvadan Bakıya 48 saatlıq yolu gizlənərək gəlib,  özümü paytaxta yetirdim. O zaman şəhərdə güclü yoxlanış var idi. "20 Yanvar" hadisələri zamanı mən Bakıda idim. Şəhərdə nəzarət gücləndirilmişdi.  Küçələrdə rus əsgərləri hər kəsə nəzarət edirdi. Həmin illər heç kimin fotoaparatı yox idi.

Əsgərlər kimin əlində nə görürdülərsə alırdılar. Bakının arxa tərəfində rus tankları vardı. Mən də o mənzərəni çəkməyə çalışırdım. Ancaq heç bir şərait yox idi. Vəziyyəti belə gördükdə tankların olduğu məhəllədə bir evə girdim. Ev  paltarı geyinib, əlimə dəsmal aldım, özümü elə göstərdim ki, guya pəncərəni təmizləyirəm. Paltarın altında isə fotoaparatla tankları çəkirdim. Çox çətin illər idi...

20 Yanvar gecəsi həlak olan vətəndaşları dağ üstü parkda  dəfn etməyə gətirirdilər (Dağüstü parkın əvvəlki şəkillərini göstərir. Birdən bir qadın rəsmi qarşısına çıxır, şəkli mənə uzadıb, danışır-X.R.). Orda bir qadın vardı, oğlunu dəfn etmişdilər.  Qadın günlərlə o məzarın başından getmirdi.  Deyirdi ki, burda uzanacam məni oğlumun yanında  basdırarsınız. Qadın oğlundan  sonra yaşamaq istəmirdi".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.