Şou-biznes

"Netflix"in ən çox izlənən serialı - 25 günə 111 milyon baxış - VİDEO

13 Oktyabr 2021 17:42

0 Şərh Baxış: 1 121

#ŞOU-BİZNES #VİDEO

"Netflix" indiyədək ən çox izlənən serialının adını açıqlayıb.

Milli.Az xəbər verir ki, bu barədə məlumat şirkətin "Twitter" səhifəsində paylaşılıb.

Bildirilib ki, son günlərdə çıxan Cənubi Koreyalı rejissor Hvan Don-hekanın "Kalamar oyunu" ("Squid game") serialı platforma tarixində ən çox izlənən serial olub.

Serial premyerasından sonrakı 25 gün ərzində 111 milyon baxışı keçərək "Bridgerton" serialını qabaqlayıb.

"Squid game" "Netflix" platformasının 90 ölkədəki reytinqində ilk pillədədir.

Qeyd edək ki, "Kalamar oyunu"nda maddi çətinliklərlə üzləşən insanlar naməlum şəxsin dəvətini qəbul edərək həyatda qalma oyununa qatılırlar. Qəhrəmanlar 40 milyon dollar uduşu əldə etmək üçün 6 uşaq oyununu keçməlidirlər. Uduzan şəxslər öldürülür.

Milli.Az