Şou-biznes

Manaf Ağayev toy qiyməti ilə bağlı QƏRARINI AÇIQLADI - Çatdırmıram...

23 İyun 2021 14:12
5 Şərh     Baxış: 28 138

"Toyların keçirilməsinə icazə verildiyi üçün hamı sevindiyi kimi mən də sevinirəm. Bu qərar tək müğənnilər üçün yox, hamı üçün sevindirici xəbər oldu". 

Bunu Milli.Az-a açıqlamasında müğənni Manaf Ağayev il yarımdan sonra toyların keçirilməsinə icazə verilməsi qərarını şərh edərkən deyib.

"Toylar kralı" bildirib ki, əhalinin maddi vəziyyəti yaxşı olmadığı üçün toy qiymətimdə hər hansı bir dəyişiklik olmayacaq:

"Bu qərardan sonra hansı müğənnidə necədir bilmirəm. Məndə keçən ilki toyların behləri verilib, qalmışdı. Onlar hamısı tarixlər dəyişilə-dəyişilə tədricən yerinə oturur. Əlavə toylarımız da gəlir, toy çoxdur, həddindən artıq çoxdur. Elə toylar var ki, 5-i birdən eyni tarixə gəlir, götürə bilmirsən. Çünki yer olmadığı üçün geri çevirməyə məcbur qalıram. Adam var bir toyu 3 gün edir. Qonaq sayına məhdudiyyət qoyulduğu üçün 2, 3 gün dalbadal toy edirlər. Ona görə də musiqiçilər bütün bu sifarişləri götürməyə çatdırmırlar. Toy çoxdur, rayonlar var, kəndlər var, bölgələr var, şəhərlər var. Həm də qarşıdan Məhərrəmlik gəldiyi üçün hamı istəyir tez toy etsin, toyların sayı da onunla bağlı bir tərəfdən artıb. 

Toy qiymətimdə heç bir dəyişiklik ola bilməz. Çünki əhalinin maddi vəziyyəti yaxşı deyil. Camaat pandemiyadan, karantindən çıxıb. Ona görə də qiymətləri qaldırmaq düzgün deyil. Mən öz tərəfimdən bu addımı düzgün hesab etmirəm. Amma kimlərsə toy qiymətini qaldırır. Menyulara da baxırsan ki, əvvəllər 80 manata olan menyu indi 150 manatdır. Bu cəhətdən çox dəyişiklik var. Amma şəxsən mən tərəfdən heç bir dəyişiklik olmayacaq".

Məhəmməd Vaqif
Milli.Az

Şərh yaz:

5 Şərh:

  • Anonim
    Abbas · 23 İyun 14:4630

    Menyunu da behane edib qiymet qaldir bunlari toya devet edende aqil yoxdur vallah

    Cavab yaz
    • Anonim
      Kami · 23 İyun 15:0910

      Aqilsiz insanlarin sayi coxdur, ay qardas, heddinden coxdur. Tek toy meselesinde yox, basqa sahelerde de.

      Cavab yaz
    • Anonim
      Əmi · 27 İyun 06:2400

      Az çox imkanım var,hətda bir neçə belə müğənni tanıdım da var ,dəvət etsəydim məmuniyyətlə ,hətda güzəştlə gələrdilər,.Üç övladıma toy etdim şadlıq evinin menyusunda nəzərdə tutulmuş musiqiçilər toyu yola verdilər.Duzdur toyların birində yazdığım kimi yola verdilər,ancaq narazı qalan olmadı.Belə müğənniləri dəvət edib borca düşənlərdən az deyil.Gunah onlarda yox onları mazamsta mindirənlərdədi.

      Cavab yaz
  • Anonim
    ALEKS❤️ · 23 İyun 16:0600

    Demək....toylar başlayır.xeyirli,uğurlu olsun.Amma bu toyları necə yola verəcik,....sual doğurur.

    Cavab yaz
  • Anonim
    Sevda · 23 İyun 19:4010

    Vəssalam da Toylar başladı.Bunlar özlərin qaldırıb qoyacaqlar dağ başına.Sizden gözəl oxuyanlar var.Pulu çox olan adamlardı bunları aparan.Yeni desinlər ki filankəsin toyunda kim oxudu.Bu müğənnilərin qiymətin qaldıran da elə xalq özüdü.Rayonun özündə elə gözəl səsli müğənnilər var ki.Qaldi ki toylara toy guya indi başlayıb? Baxmiyaraq ki icazə iyulun 1- dən sonrası.Goycayda hansı restoranların ki heyəti var orda toy edirlər.Basa düşürəm, toy yaxşı şeydi hamı sevinsin kaş.Amma necə olur ki qanun hamı üçün eyni olmalıdı.Kimin pulu var edir, yoxdur gəlib cerimeleyirler.Haqsizliq baş alıb gedir.Qanun var, amma əməl edən yoxdu.Her bir rayonda buna nəzarət edən qurumlar var.Amma nədənsə görməzlikdən gəlirlər.Ozlerine sərf etməyəndə görürlər.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.