Şou-biznes

Toysuz qalıb Rusiyaya üz tutan müğənnilər

11 Yanvar 2021 16:15
Baxış: 2 487
VTB-də minimal faiz dərəcəsi ilə nağd kredit 9.9%-dən
#ŞOU-BİZNES

Artıq bir il olacaq ki, koronovirus infeksiyasının qarşısının alınması məqsədilə toyların keçirilməsinə qadağa qoyulub. Buna görə də şou-biznes simaları işsiz qalıblar.

Milli.Az axşam.az-a istinadən bildirir ki, bir neçə müğənni işsiz qalmağın çarəsini tapıblar. Belə ki, onlar Rusiyaya üz tutublar. Toy üçün Moskvaya köçən müğənniləri təqdim edirik:

Müğənni Fədayə Laçın bir ilə yaxındır ki, Rusiyadadır. Əvvəl konsert verməyə gedən ifaçı pandemiyaya görə orada qalıb. Sənətçi yolların bağlandığını, Bakıya qayıda bilmədiyini deyib. İndi isə o, Rusiyada toy məclislərinə qatıldığı üçün Azərbaycana qayıtmağı düşünmədiyini söyləyib.

Müğənni Şəbnəm Tovuzlu da ötən aydan Rusiyaya köçüb. İfaçı əvvəl konsert verməyə getsə də, geri qayıtmağa tələsməyib. Şəbnəm indi toy məclislərinə qatılır.

Müğənni Xəyyam Nisanov da bu aralar Rusiyaya tez-tez gedən sənət adamlarındandır. Pandemiyadan əvvəl də Rusiya toylarının əksəriyyətində yer alan sənətçi bu dəfə ənənəsinə sadiq qalıb.

Azərbaycanda toyların keçirilməsinə icazə verilmədiyini görən müğənni Zenfira İbrahimova da üz tutub Rusiyaya. Artıq bir aya yaxındır ki, ifaçı Rusiyada qalır. O, qatıldığı məclislərdən görüntüləri sosial şəbəkədə yayımlayır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.