Şou-biznes

Şou-biznes əhli Aşura günü nə edəcək? - SORĞU

9 Sentyabr 2019 21:59
8 Şərh     Baxış: 2 645

Sabah Azərbaycanda Məhərrəm ayının 10-cu günü - Aşura qeyd olunacaq. Bununla bağlı müxtəlif ayinlər icra olunur.

Milli.Az bildirir ki, Lent.az şou-biznesin bir çox tanınmış simalarına "Aşurada nə edəcəksiniz" sualını ünvanlayıb.

Əməkdar artist Zaur Əmiraslanov: "Həmin günü böyük ehtiramla qarşılayıram. Aşura günü qan verməyi düzgün sayıram. Ümumiyyətlə, islamımızı quran insanlara hər zaman ehtiram göstərək".

 

Müğənni Elçin Hüseynov: "Artıq 30 ildən yuxarıdır ki, hər il Aşura günü Cəlilabad rayonuna gedirik, orada ehsan veririk. Bundan başqa, bir neçə ziyarətgahlara da baş çəkirik. Allah hər kəsin xoş dualarını qəbul etsin".

Bəstəkar-müğənni Murad Arif: "Din hər kəsin şəxsi, olduqca özəl məsələsi olduğu üçün və insanların inanclarına hörmət etdiyim üçün, bu sualı cavabsız buraxıram."

Müğənni "Elit-star" Cəmilə İsgəndərova: "Bu gecədən başlayıb dualar edəcəm. Aşurada ocaqlar gəzirəm, nəzirlər verirəm. Biz bir müsəlman kimi bunu mütləq etməliyik. Allaha qurban olum, Allaha xoş olacaq əməllər etməliyik. Allah deyir ki, sən məni tanı, mən də səni tanıyım. Hər yeməyə oturanda və duranda dua edirəm. Gündə 3 dəfə də Ayətəl-kürsüsünü deyirəm".

Tarzən-müğənni Humay Qədimova: "Çox istərdim aşura günü Kərbəlada İmam Hüseynin (ə) məzarı üzərindəki məscidə getmək qismət olsun mənə. Amma həmin gün evimdə dua etmək , aşura şəhidlərinin müsibətini yada salmaq xüsusi ilə də Kərbəlada susuz qalmış Əhli-beyt körpələrinin qadınlarının vəziyyətini xatırlamaq, öz günahlarımın bağışlanması üçün Allaha yalvaracam".

Müğənni Tuncay Bərdəli: "Əslində belə şeyləri açıqlamağı sevmirəm. Çünki bəzən yaxşılıq üçün atdığın addımları çoxları reklam kimi dəyərləndirir. Komandamla birgə qurbanlıqda bir qrup imkansız ailələrə ət payladıq. Hətta video çəkib paylaşdım ki, ehtiyacı olan varsa, gəlib götürsün. Bunu reklam kimi qələmə verənlər çox oldu. Amma qəlbləri bilən Allahdır. Yaxşılıq etmək üçün xüsusi bir günü gözləyən insan deyiləm. Bacardığım qədər kömək edirəm. Sabah da bunu edəcəyəm".

Müğənni Dilarə Kazımova: "Hər kəsin dini inancları fərqlidir. Və düşünürəm ki, bu şəxsə özəl olmalıdır. Bu mövzuda hər hansısa açıqlamanı verməyi doğru hesab etmirəm".

Milli.Az
 
loading...

Şərh yaz:

8 Şərh:

  • Anonim
    Esra Ibrahimli(Samaxi) · 9 Sentyabr 22:05131

    Men qonsulardan hedik bir de halva gözlüyürem . hedik en sevdiyim nemətdiiii.. Allah Kerbelada döyüşen imamlara, sehidlerimize ve bizim bütün sehidlerimize Rehmet elesin Onlarin meqami yukseklikdedir.

    Cavab yaz
  • Anonim
    V.M · 9 Sentyabr 22:08232

    Cəmilənin giyiminnən hiss olunurki gündə 3 dəfə ayətəl kürsü azdi.yəqin imanin gizdədir

    Cavab yaz
  • Anonim
    `'`'`'`'`'`'`'` · 9 Sentyabr 22:47161

    Daha doğrusu, nə etməyəcəklər? Yaaani 364 gün elədiklərini Aşura günü etməyəcəklər (bəlkə də edəcəklər :)). Bu nə ola bilər? Əlbəttə ki, soyunmayacaqlar.

    Cavab yaz
  • Anonim
    123 · 10 Sentyabr 07:3121

    Aşurada ağ baldır reklamı pis deyil

    Cavab yaz
  • Anonim
    Yaspərəstlərə. · 10 Sentyabr 09:3077

    Yaspərəstlərin bayramını təbrik edirəm!!! Atəşpərəst.

    Cavab yaz
  • Anonim
    N · 10 Sentyabr 09:5540

    Murad Arifle,Dilare Kazimova gozel savadli aciqlama edibler.en cox onlarinkini beyendim

    Cavab yaz
    • Anonim
      Baron · 10 Sentyabr 11:5342

      Çünki cahil nə deməkdi anlayırlar ona görə elə cavab veriblər ...

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.