"Azəri Top Model"in 20 nəfər gözəlləri məlum oldu - FOTOSESSİYA - SİYAHI

Milli.Az xəbər portalının məlumatına görə, "Nissan" avto salonunda gerçəkləşən təqdimat mərasimini "Azəri Top Model" layihəsinin ideya müəllifi, Rus Dram Teatrının aktyoru, əməkdar artist Firdovsi Atakişiyev açıq elan etdi.

F.Atakişiyev çıxış etmək üçün sözü iş adamlarına, "Pasaj" jurnalının baş redaktoruna və Fəxriyyə Xələfovanın meneceri Əfruzə xanıma verdi. Çıxış edən qonaqlar müsabiqə iştirakçılarına uğurlar və hər bir modellə gələcək həyatlarında və işlərində müvəffəqiyyət arzuladılar.

Daha sonra  F.Atakişiyev seçilən 20 nəfər xanım modelləri bir-bir təqdim etdi.

Onu da qeyd edək ki, tədbirdə jurnalist Rahib Azəri ilə yanaşı şou-biznes nümayəndələri - "Next" qrupu, "Kristal" qrupunun rəhbəri Mədinə Qafarova, müğənnilər Sevda və Emma Ələkbərzadə bacıları, Zamiq, Əbdülxalid, Samira və Emin Bədəlov iştirak edirdilər.

Tədbirdən sonra F.Atakişiyev Milli.Az-a açıqlamasında müsabiqə ilə bağlı ətraflı məlumat verərək, seçim turunda xanımların boy və görünüş baxımından əziyyət çəkdiklərini dedi:

""Azəri Top Model" müsabiqəsinin iyunun 7-i seçim turu oldu. Seçim turunda münsiflər heyətində Fəxriyyə Xələfova, Nərminə Aqasi və İrana Tağızadə əyləşmişdilər.

Bundan əvvəl biz sənəd qəbulunda bir çox xanımları qəbul etmədik. Çünki boy və görünüş baxımından uyğun gəlmirdilər. Həmin şəxsləri elə sənəd qəbulu zamanı təsdiqləmədik ki, ümidlərini qırmayaq. Sonra onlar ümidli olub, arzularla gələcəkdilər.

Bu gün biz 20 nəfəri seçmişik və həmin 20 nəfər modellərin təqdimatı oldu. Amma bütün işlərimiz qabağdadır. Bundan sonra modellərin fotosessiyaları, rəngarəng görüntülər və tamaşaçıları çox maraqlı şou gözləyir", - F.Atakişiyev qeyd etdi.

Məlumat üçün bildirək ki, müsabiqə hər həftənin bazar ertəsi saat 22.30-da "Lider" televiziyasında keçiriləcək. Və hər həftənin cümə axşamı və cümə günü 20 dəqiqəlik gündəliklər olacaq ki, bu da televiziya vasitəsiylə yayımlanacaq. Müsabiqənin ideya müəllifi və aparıcısı əməkdar artist Firdovsi Atakişiyev və gündəliklərin aparıcısı peşəkar model İlqar Əliyev olacaq.

Qeyd edək ki, layihənin baş sponsoru "Nissan- Azərbaycan" şirkəti, informasiya tərəfdaşı TREND Xəbərlər Şirkəti, Day.Az və Milli.Az xəbər portallarıdır.

"Azəri Top Model"lərin siyahısı:

Ramazanova Nərminə
Nəzərova Qərənfil
Rəcəbova Samirə
Əliyeva Çinarə
Rzayeva Təranə
Əlizadə Ləman
Klimova Yuliya
Eyyubova Diana
Xruetalyova Naida
Allahverdiyeva Sabina
Kustamova Elvira
Rzayeva Oksana
Şevçenko Aleksandra
Arsentyeva Olqa
Əliyeva Leyla
Cavadova Sabina
Cəfərova Maya
Həsənova Xana
Əbilova Gülnar
İsmayılova Aidə

Fuad Mədətov
Milli.Az