Şou-biznes

Xoşqədəm Hidayətqızı: "Çox pis günlər yaşadım, çox ağladım"

24 Aprel 2015 11:05
3 Şərh     Baxış: 6 998
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #POPULYAR XƏBƏRLƏR #SALAM BOUNİAN DEVELOPMENT COMPANY SUKUK LİMİTED
"Səni axtarıram"ın modelini yaradırlar. Teleaparıcıların bəziləri hətta məni yamsılayırlar"
Anspress-in məlumatına görə, tanınmış teleaparıcı Xoşqədəm Hidayətqızı bu sözləri ANS TV-nin "Salam, Azərbaycan" proqramında səsləndirib.

Layihəsindən ağız dolusu danışan Xoşqədəm xanım özünə qarşı çox tələbkar olduğunu dedi: "Mənim tənqidçi tamaşaçılarım anam və bacımdır. Verilişdən sonra onlara zəng vurub səhvlərimi soruşuram. İndi artıq Doğuş da bu sıraya daxildir".

Teleaparıcı ailə qurmasından da söz açdı: "Bu 5 ildə o qədər talelər gördüm ki, sonunda belə qərara gəldim ki, mən ailə qurmalıyam. Çox təkliflər var idi. Müxtəlif sahədə çalışanlar idi. Doğuşla eyni mühitin insanları olduğumuzdan onu özümə daha yaxın bildim".

"Son 5 ilimi mən bu layihəyə verdim. Bir oğluma çox şeylər verə bildim, amma ana sevgisini mənim əvəzimə anam, bacılarım, dayələri verdilər. Çünki 5 ilimi ancaq "Səni axtarıram" layihəsinə verdim. Bütün günümü, enerjimi ona sərf etdim. İnanın, layihəmlə bağlı o problemləri yaşayanda, layihəmin əlimdən alınması qorxusu ilə üzləşəndə elə pis olmuşdum ki, Allah eləməsin, sanki balamı itirmişdim.

Çox pis günlər yaşadım, çox ağladım. Bu 5 ildə yanımda olan komandam məni sakitləşdirdi. Dedilər ki, olmasın "Səni axtarıram", olsun "Xoşqədəmlə səni axtarıram". Beləcə, layihəmə yeni nəfəs verib, işə başladım", - deyən Xoşqədəm Hidayətqızı son günlər yaşadığı streslərin sonunda pozitiv ruhda işə yenidən start verib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.