Şou-biznes

Elnarə: "Aparıcılar qonaqları ağladana kimi alçaldır və təhqir edirlər"

8 Aprel 2015 13:12

13 Şərh Baxış: 7 794

#ŞOU-BİZNES #OLAN MİLLS, INC.

Müğənni Elnarə Xəlilova telekanallar haqqında olan fikrinə aydınlıq gətirib.

O, Milli.Az-a açıqlamasında bildirib:

"Bizim çox gözəl televiziya dəyərlərimiz var. Mən Azərbaycan televiziyasını təhqir etməmişəm. Mən bəzi telekanalların zibilxanaya bənzədiyini demişəm. Çünki efirlərə kimlər gəldi çıxır, ağızlarına nə gəldi danışırlar. Mənim etirazım televiziya kanallarına çıxan insanlara deyil, mənim etirazım onları efirə buraxan televiziya kanallarının rəhbərlərinədir. Bir sıravi tamaşaçı kimi telekanal rəhbərlərinə müraciət edirəm. Mən onlardan umuram. Mən normal efir umuram. Normal efir tələb edirəm. Müğənni kimi yox, üç uşaq anası kimi övladlarımın televiziya kanalları vasitəsilə tərbiyələrinin pozulmasının əleyhinəyəm. Bəsdir insanların əsəbləri ilə oynadınız! Mən niyə övladlarımı öz telekanallarımızdan qorumalıyam? Milli Televiziya və Radio Şurasından (MTRŞ) artıq dərəcədə xahiş edirəm ki, efirlərdə səslənən müraciətlər, ismarıclar, söyüşlər və təhqirlərə diqqət etsin. Bəzi aparıcılar qonaqları ağladana kimi alçaldır və təhqir edirlər. Bunlar haqqında ölçü götürüləcək, ya yox?"

Milli.Az