Şou-biznes

Azərbaycanlı modelyerdən vampir kolleksiyası - FOTO

17 Fevral 2015 10:27
1 Şərh     Baxış: 1 916
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MODA
Azərbaycanlı modelyer "Vampirlər" kolleksiyasını təqdim edib

Milli.Az xəbər verir ki, modelyer Şəlalə Maqsudova yeni "Vampirlər" kolleksiyasını təqdim edib. Modelyer bu kolleksiya ilə bəzi insanlara güzgü tutmaq istədiyini deyir. Ş. Maqsudova azğınlaşan, qəddarlaşan, var-dövlət, ad-san üçün iyrənc əməllərə əl atan insanların vampirləşdiyini ön plana çəkib: "Bəzi insanlar bu vampirlərə baxanda qıraqdan çox eybəcər göründüklərini bilsinlər. İnsanlar zalımlaşıb, qəddarlaşıblar, bir-birilərindən istifadə edirlər, işlərini yoluna qoymaq üçün min cür dona girirlər. Amma işləri düzələndə iyrənc sifətləri ortaya çıxır.

Ətrafımızda zalım, qaniçən, rəzil insanlar çoxdur. Bu kolleksiyam vasitəsilə onlara demək istəyirəm ki, bir gün iyrənc əməllərinizə görə cavab verəcəksiniz. Mən də vampir kimi insanlarla çox rastlaşmışam, lakin yaxşı dostlarımın sayəsində yenidən həyata dönüb yaradıcılıqla məşğul olmuşam".

Qeyd edək ki, bundan əvvəl modelyerin "İlan ili" və "Ağ-qara dünyam" kolleksiyaları maraqla qarşılanıb.

Bir aya ərsəyə gələn kolleksiya üçün fotosessiya da edilib. Layihədə olan obrazların qrimini vizajist Esmira İsmayılova işləyib. Fotoların müəllifi Ruslan Teymurfilatovdur. Kolleksiyada 10 model iştirak edib. Onlar Adil İsmayılov, Anar Maqsudov, Mehdi Babazadə, Sevinc Əliyeva, İlhamə Əliyeva, Pərvin Əliyevadır.

Milli.Az

Böyütmək üçün şəkillərə klikləyin.


Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.