Şou-biznes

Samirə Əfəndi dondurmaçının önündə rəqs edənləri qınadı

1 Sentyabr 2026 19:31

Baxış: 1 542

VTB-də minimal faiz dərəcəsi ilə nağd kredit 9.9%-dən

#MÜĞƏNNİ

"Kədərlidir ki, gənc nəslin musiqi zövqü yaxşı formalaşmayıb. Bizim evdə həmişə musiqiyə xüsusi, həssas yanaşıblar. Evdə çox koloritli musiqilər dinlənilirdi. Bu, həm xarici, həm türk, həm də müxtəlif başqa musiqilər ola bilərdi. Amma elə bir şey yox idi ki, musiqini qoşsunlar, ev titrəsin və bundan zövq alsınlar. Əlbəttə, biz öz musiqimizi, sənətçilərimizin yaratdıqlarını sevirik. Təbii ki, indi biz də özümüz üçün hansısa mahnını qoşub rəqs edə, əylənə və bundan zövq ala bilərik. Amma mənə elə gəlir ki, bunu həddindən artıq ictimai şəkildə etmək bir qədər artıqdır".

Milli.Az xəbər verir ki, bu sözləri "Avroviziya" təmsilçilərimizdən olan Samirə Əfəndi "1news.az"a müsahibəsində deyib. İfaçı son günlər Bakının mərkəzində dondurmaçının önündə rəqs edərək yayılan görüntüləri tənqid edib:

"Məni bilirsiniz, nə dəli edir? Bu yaxınlarda şəhərdə dondurmaçının qarşısında çəkilən videoları gördüm. İnsanlar ora gedir, rəqs edir, sonra da məşhurlaşırlar. Ortaya hansısa "blogerlər", "müğənnilər" çıxır. Adamın soruşmağı gəlir: "Sən kimsən?"

Bütün bunlar onlara diqqət qazandırır. Hətta onlara qarşı yazılan mənfi rəylər, tənqidlər belə artıq piardır. Amma ən sadəsi, belə şeylərə məhəl qoymamaq, yanından keçib getməkdir. Qoy insanlar buna baxmasınlar".

Müəllif: Ülkər Vəliyeva (Milli.Az redaktor)