Şou-biznes

Məşhur kanalın aparıcıları barəsində qalmaqallı İDDİA

9 İyun 2025 20:46

Baxış: 3 661

VTB-də minimal faiz dərəcəsi ilə nağd kredit 9.9%-dən

#MARAQLI #TÜRKİYƏ #TV #APARICI #TÜRKİYƏ ŞOUBİZNESİ

Türkiyənin Beyaz TV kanalında yayımlanan "Söylemezsem Olmaz" proqramının aparıcıları Pınar Eliçe və Didem Delen barəsində fahişəlik və narkotik vasitələrdən istifadə ilə bağlı ittihamlar gündəmə gəlib.

Milli.Az xəbər verir ki, məsələ ilə bağlı Beyaz TV rəhbərliyi rəsmi açıqlama yayıb.

Açıqlamada aparıcılar haqqında hər hansı hüquqi prosesin olmadığı və yayılan xəbərlərin əsassız olduğu qeyd edilib. Kanal istintaq başladıldığına dair iddiaları təkzib edib.

Verilişin prodüseri Bilal Özbilge də məsələ ilə bağlı susqunluğunu pozaraq, proqramın dayandırılmasının rəhbərliklə ortaq qərar olduğunu bildirib. O, açıqlamasında Didem Delenin evli şəxslə iki ilə yaxın münasibətdə olduğunu və bu məsələni Pınar Eliçenin də bildiyini qeyd edib.

Pınar Eliçe iddiaların tamamilə əsassız olduğunu bildirərək, "Bu böhtanların arxasında kimlərin dayandığını açıqlayacağam," deyə prodüseri hədəf alıb. Digər aparıcı Didem Delen isə bu xəbərlərin qarayaxma kampaniyasının bir hissəsi olduğunu və artıq fevral ayında məsələ ilə bağlı cinayət işi qaldırdıqlarını xatırladıb.

Məsələ medianın gündəmini zəbt edib və verilişin qəfil dayandırılması fonunda tərəflər arasında qarşılıqlı ittihamlar qalmaqalın daha da dərinləşdiyini göstərir.

Fidan
Milli.Az