Şou-biznes

Dünya şöhrətli rejissor Devid Linç vəfat edib

16 Yanvar 2025 23:03
Baxış: 897
VTB-də minimal faiz dərəcəsi ilə nağd kredit 9.9%-dən
#KİNO

"Eraserhead", "Blue Velvet" və "Mulholland Drive" kimi filmlərin, eləcə də əfsanəvi televiziya serialı "Twin Peaks"in sevilən rejissoru David Lynch 78 yaşında dünyasını dəyişib.

Rejissorun Facebook səhifəsində ailəsi tərəfindən edilən açıqlamada bu ifadələr yer alıb:

"Ailə üzvləri olaraq, həm insan, həm də sənətkar olan David Lynch-in vəfatını dərin təəssüflə elan edirik. Bu çətin zamanda məxfiliyə hörmət edilməsini rica edirik."

Lynch-in ölüm səbəbi açıqlanmayıb. Lakin 2024-cü ilin avqustunda o, ömür boyu davam edən siqaret vərdişi nəticəsində emfizema diaqnozu qoyulduğunu bildirmişdi.

David Lynch 1946-cı il yanvarın 20-də Missoula, Montanada anadan olub.
Onun ilk tammetrajlı filmi olan "Eraserhead" (1977) Lynch-in işlərinə xas olan üslubu - adi həyatdakı sürrealizmi əks etdirmişdi.

Daha sonra çəkdiyi "Blue Velvet" və "Mulholland Drive" kimi filmlər tənqidçilər və tamaşaçılar arasında kult klassiklərə çevrildi.

Lynch-in ən tanınmış işi, Mark Frost ilə birlikdə yaratdığı "Twin Peaks" serialıdır. Serial, kiçik bir qəsəbədə məktəbli Laura Palmer-in qətlini araşdıran hadisələri təsvir edir.

Lalə Qüdrətova
Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.