Şou-biznes

Flora Kərimova doğum gününü belə keçirdi - VİDEO

26 İyul 2024 13:34

Baxış: 1 664

#ŞOU-BİZNES #MARAQLI #VİDEO #MÜĞƏNNİ #XALQ ARTİSTİ #TV

Xalq artisti Flora Kərimovanın 83 yaşı tamam olub.

Milli.Az bizim.media-ya istinadən bildirir ki, dostları Xalq artistini doğum günündə yalnız buraxmayıblar.

Müğənni Rövşən Civişov Xalq artistini bağında ziyarət edib, doğum günü münasibətilə sənətkarı təbrik edib.

Qeyd edək ki, Flora Kərimova 1941-ci ildə Bakı şəhərində anadan olub. 1964-cü ildә Asəf Zeynallı adına Bakı Musiqi Texnikumunu, 1971-ci ildә Azərbaycan Dövlət Tibb İnstitutunu, 1977-ci ildә Azərbaycan Dövlət Konservatoriyasını bitirib.

14 yaşından bədii özfəaliyyət kollektivlərində, Azərbaycan Dövlət Tibb İnstitutunun "Çinar" ansamblında, 1960-cı illərdə Azərbaycan Dövlət Filarmoniyasında çıxış edib.

Flora Kərimova 1983-cü ildən Azərbaycan Teleradio Verilişləri Şirkətinin solistidir.

Klassik Avropa operası (nümunə üçün "Qayınana" filmində "Dilbər"in ariyası), Milli Opera janrının, xalq və bəstəkar mahnılarının və klassik art-estrada (sovet estradası) janrlarının mahir ifaçısıdır.

Sözügedən görüntüləri təqdim edirik:

Milli.Az
Xəbərlərimizi WhatsApp kanalımızdan da oxuyun