Şou-biznes

Dilan Polatla əri məhkəməyə belə aparıldı - FOTOlar

4 Noyabr 2023 11:53

Baxış: 1 219

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #TÜRKİYƏ #BLOGGER

Noyabrın 1-də saxlanılan türkiyəli sosial media fenomeni Dilan Polat və həyat yoldaşı Engin Polat məhkəməyə çıxarılacaq.

Milli.Az "qafqazinfo"ya istinadən xəbər verir ki, ilkin dindirmələri tamamlanan Dilan və Engin Polat cütlüyü Anadolu Ədliyyəsinə sövq edilib.

Belə ki, əməliyyat çərçivəsində 24 şübhəli saxlanılıb. 40 səhifəlik suallar verilən Polat cütlüyü ilə birlikdə nəzarətə alınan 18 şübhəli bu gün səhər saatlarında ədliyyəyə göndərilib. Digər 6 şübhəlinin ilkin istintaq dindirmələri davam etdirilir.

Xatırladaq ki, Dilan Polatın bacısı Sıla Doğu, Engin Polatın qardaşı Kürşat Polat, mühasib Beyza Ekici, maliyyə işlər məmuru Ahmet Gün də saxlanılanlar arasındadır.

İlkin məlumata əsasən, onlar çirkli pulların yuyulmasında ittiham olunurlar. Bildirilir ki, Anadolu Baş Prokurorluğu Engin Polat və Dilan Polat haqqında "Cinayətdən əldə edilən gəlirlərin yuyulmasının qarşısının alınması, Vergi Prosessual Qanunu ilə futbol və digər idman yarışlarında mərc və şans oyunlarının tənzimlənməsi" cinayətlərinə görə istintaq başladıb, onlara məxsus şirkətlərdə aparılan axtarışlar zamanı rəqəmsal materiallar və noutbuklar götürülüb.

Bir müdddət öncə Dilan Polatla ərinin var-dövləti müsadirə edilib. İkiliyə, həmçinin ölkəni tərk etmək qadağası qoyulub. Bundan əlavə, onların birinci və ikincidərəcəli qohumlarının da əmlakı müsadirə edilib.

Cütlük Türkiyədə və bir çox ölkələrdə gözəllik salonları şəbəkəsinə sahibdir, həmçinin kosmetik məhsulların istehsalı ilə məşğul olurlar. Onların iki övladı var.

Milli.Az