Şou-biznes

Manaf Ağayev: "Tünzalə ölümdən qorxmurdu" - FOTO

23 Yanvar 2023 12:45

Baxış: 1 909

VTB-də minimal faiz dərəcəsi ilə nağd kredit 9.9%-dən

#ŞOU-BİZNES

"Sonuncu dəfə Tünzalə Əliyeva ilə iki ay əvvəl danışmışam. Onunla çox yaxın idim. Mədəniyyət və İncəsənət Universitetində bir oxumuşduq. Münasibətimiz çox yaxşı idi".

Milli.Az xəbər verir ki, bu sözləri bizim.media-ya açıqlamasında müğənni Manaf Ağayev deyib.

Əməkdar artist Tünzalə Əliyeva ilə vidalaşmaq üçün Heydər məscidinə gələn sənətçi mərhumla bağlı fikirlərini dilə gətirib:

"Danışırdı, ağrıyırdı. O, ölümdən qorxmurdu. Amma qızı Zəhranı tək qoyacağından qorxurdu. Onun gözəl və böyük sənəti vardı. İnsan kimi də çox gözəl insan, ana və ailə başçısı idi. Namuslu, ismətli bir qadın idi. Oynadığı obrazlarla hamının üzünü güldürürdü. Xalq tərəfindən sevilən sənətçi idi. Allah rəhmət eləsin!".

Qeyd edək ki, T.Əliyeva ötən gün saat 12:00 radələrində Milli Onkologiya Mərkəzində uzun sürən xərçəng xəstəliyindən 50 yaşında dünyasını dəyişib.

Milli.Az